नितेश तिवारीच्या रामायणमध्ये रामाच्या भूमिकेसाठी रणबीर कपूरला नक्की केल्यापासून कंगना रणौतचा तीळपापड होत आहे. सोशल मीडिया पोस्टद्वारे ती सतत रणबीर कपूरवर निशाणा साधत आहे. आधी कंगनाने रणबीरला 'पांढरा उंदीर' म्हटले होते. आणि आता तिने रणबीरला दुर्योधन आणि करण जोहरला शकुनी मामा म्हटले आहे. एवढेच नाही तर सुशांत सिंह राजपूतच्या मृत्यूसाठी पुन्हा एकदा या दोघांना जबाबदार धरले आहे. कंगनाने तिच्या पोस्टमध्ये काय लिहिले आहे ते जाणून घेऊया.
कंगनाने तिच्या इंस्टाग्राम स्टोरीवर तीन लांबलचक पोस्ट लिहिल्या आहेत, त्यात तिने लिहिले आहे की, "उद्याच्या चर्चेला पुढे नेत आहे. चित्रपटसृष्टीत सर्व प्रकारच्या धमक्या आहेत. पण दुर्योधन (पांढरा उंदीर) आणि शकुनी (वडील) हे सर्वात धोकादायक जोडी आहे.... ते स्वत: कबूल करतात की ते चित्रपट इंडस्ट्रीतले सर्वात मोठे गॉसिपर्स, मत्सरी, कुटिल आणि इन्सिक्योर व्यक्ती आहेत. ते दोघेही स्वतःला माहिती आणि प्रसारण मंत्रालय म्हणवतात ... संपूर्ण चित्रपट उद्योगाला हे माहित आहे, सुशांत सिंग राजपूतला अंधारात ठेवून आत्महत्येसाठी प्रवृत्त केले. त्यांनी माझ्याविरुद्ध सर्व प्रकारच्या घाणेरड्या अफवा पसरवल्या आणि माझ्या व एचआर (हृतिक रोशन) च्या भांडणात रेफरी म्हणून काम केले… यामुळे माझा आयुष्य आणि करिअर बरबाद झाले."
तिच्या दुसर्‍या स्टोरीत आपला मुद्दा पुढे चालू ठेवत कंगना म्हणाली, "मी त्याच्या हेरगिरीचे ब्लॅक बुक उघडले, त्यामुळे माझ्या आणि माझ्या चित्रपटांचा जनसंपर्क कमी झाला आहे. मी सध्या कमकुवत स्थितीत आहे, पण मी शपथ घेते की जेव्हा माझ्याकडे सत्ता असेल, तेव्हा मी या लोकांना त्यांच्या डार्क वेब, हॅकिंग, हेरगिरी यांसारख्या बेकायदेशीर कृत्यांचा पर्दाफाश करीन. या सर्व गोष्टी त्यांना तुरुंगात पाठवायला पुरेशा ठरतील. गेल्या दहा वर्षांपासून मी या सगळ्याविरुद्ध आवाज उठवत आहे. अन्यथा या इंडस्ट्रीत काम करणे कठीण झाले असते."
कंगनाने पुढे लिहिले, कारण ते दिवाळखोर झाले आहे आणि मीडिया देखील मंद गतीने मरत आहे, त्यामुळे आता सोशल मीडिया हे एकमेव माध्यम आहे आणि आता बातम्यांचे एकमेव स्त्रोत हे सेलिब्रिटींचे स्वतःचे सोशल मीडिया खाते आहे. समाजातील या नवीन बदलामुळे माझा आवाज अधिक ऐकू येतो आणि मी येथे नवीन बदल पाहत आहे.
कंगनाने तिच्या पोस्टमध्ये कोठेही थेट रणबीर कपूर किंवा करण जोहरचे नाव घेतले नसले तरी 'रामायण'मधील राम सीतेच्या भूमिकेसाठी आलियाचे नाव समोर आल्यानंतर कंगना ज्या पद्धतीने त्यांच्यावर निशाणा साधत आहे, त्यावरून ती कोणाला लक्ष्य करते हे स्पष्ट झाले आहे. याआधीही कंगनाने रणबीर कपूरला पांढरा उंदीर, वुमनाइजर, ड्रगिस्ट म्हटले होते.
