बॉलिवूडची सुंदर अभिनेत्री अमिषा पटेल सध्या तिच्या 'गदर 2' या चित्रपटामुळे सतत चर्चेत आहे, हा चित्रपट 11 ऑगस्ट रोजी सिनेमागृहात प्रदर्शित होईल. या चित्रपटात अमिषा पुन्हा एकदा सकिनाच्या भूमिकेत दिसणार आहे. अमीषा पटेलने 2000 मध्ये हृतिक रोशनसोबत 'कहो ना प्यार है' या चित्रपटातून आपल्या अभिनय कारकिर्दीला सुरुवात केली, तिचा पहिला चित्रपट बॉक्स ऑफिसवर ब्लॉकबस्टर ठरला आणि अमीषा रातोरात स्टार बनली. जेव्हा तिने 'गदर: एक प्रेम कथा' साइन केले तेव्हा लोक तिला वेडे समजू लागले, परंतु अभिनेत्रीने शांत राहून तिच्या यशाची प्रतिक्रिया दिली.
अभिनेत्रीने एका मुलाखतीत सांगितले की, 22 वर्षांपूर्वी जेव्हा तिने 'गदर: एक प्रेम कथा' साइन केल्यानंतर शूटिंग सुरू केले तेव्हा सर्वांनाच आश्चर्य वाटले होते. हा चित्रपट साईन केल्यावर तिचे मित्र आणि हितचिंतक तिला वेडे समजू लागले, असेही तिने सांगितले होते. अभिनेत्रीच्या म्हणण्यानुसार, दिग्दर्शक अनिल शर्मा यांनी फ्लॉप चित्रपट दिले होते आणि या चित्रपटाचे निर्माते नितीन केणी देखील नवीन होते, त्यामुळे लोकांना वाटले की त्यांनी चित्रपट साइन करून मी मोठी चूक केली आहे.
अनुभव शेअर करताना अमीषाने सांगितले की, अनेक ए-लिस्ट निर्मात्यांनी तिला हा प्रकल्प न घेण्यास सांगितले होते, त्यासोबतच विविध प्रकारे बोल लगावून तिचे मनोबलही कमी केले होते. तिच्या फिल्मी करिअरच्या सुरुवातीलाच तिने अशी आव्हानात्मक भूमिका आणि आईची भूमिका करू नये, असाच सल्ला तिला सर्वांनी दिला होता.
अमीषाला तिच्या शुभचिंतकांनी सांगितले होते की, तिला गदरमध्ये एका 5 वर्षांच्या मुलाच्या आईची भूमिका साकारायची आहे, तर कारकिर्दीच्या सुरुवातीला अशी भूमिका तिच्या करिअरसाठी हानिकारक ठरू शकते. यासोबतच अनेकांनी सनी देओलच्या चित्रपटात काहीही करायला नसते. त्यामुळे तिने चित्रपट करू नये, असे म्हटले होते.
त्यादरम्यान अमिषा पटेलने सांगितले होते की, ती सकीनाच्या पात्राच्या प्रेमात पडली होती, त्यामुळे ती हा चित्रपट करण्यापासून स्वत:ला रोखू शकली नाही. इतकंच नाही तर 'गदर: एक प्रेम कथा' हा चित्रपट हिट होणार याची तिला खात्री होती. हा चित्रपट प्रदर्शित झाल्यावर तो ब्लॉक बस्टर ठरला. तिच्या यशाने तिला वेडे म्हणणाऱ्यांना चोख प्रत्युत्तर दिले होते.
विशेष म्हणजे 'गदर 2' रिलीज होण्यापूर्वी 'गदर: एक प्रेम कथा' 22 वर्षांनंतर पुन्हा थिएटरमध्ये प्रदर्शित झाला आहे. चित्रपटात तारा सिंग आणि सकिना यांची अप्रतिम प्रेमकथा दाखवण्यात आली होती. दोघांची प्रेमकहाणी प्रेक्षकांच्या मनाला भिडली, चित्रपटाचा पहिला भाग प्रदर्शित झाल्यानंतर 'गदर 2' आता 11 ऑगस्टला सिनेमागृहांमध्ये रिलीज होण्यासाठी सज्ज आहे.
