अनेक प्रसिद्ध अभिनेत्री साऊथ चित्रपटांमध्ये वर्षानुवर्षे सक्रिय असल्या तरी त्यापैकी नयनतारा ही साऊथ चित्रपटसृष्टीची लेडी सुपरस्टार मानली जाते, जी लवकरच शाहरुख खानच्या ‘जवान’ या चित्रपटातून बॉलिवूडमध्ये धमाकेदार एंट्री करणार आहे. दाक्षिणात्य चित्रपटांमधली अतिशय सुंदर आणि प्रतिभावान अभिनेत्री नयनताराच्या अभिनय आणि मनमोहक स्टाइलचे चाहते दिवाने आहेत. आपल्या आकर्षक अभिनयाने लोकांची मने जिंकणारी नयनतारा इंडस्ट्रीतील सर्वात महागड्या अभिनेत्रींपैकी एक मानली जाते आणि ती तिच्या लग्झरी जीवनशैलीसाठी खूप प्रसिद्ध आहे. नयनतारा आलिशान कार आणि खाजगी जेटची मालकीण आहे, तिची एकूण संपत्ती जाणून कोणालाही धक्का बसेल.
नयनताराचे खरे नाव डायना मरियम कुरियन आहे हे फार कमी लोकांना माहिती असेल. खरंतर, तिचा जन्म ख्रिश्चन कुटुंबात झाला होता, पण चित्रपटात येण्यापूर्वी तिने नाव बदलले. अभिनेत्रीने 2011 मध्ये तिचा धर्म बदलून हिंदू धर्म स्वीकारला आणि आपले नाव नयनतारा ठेवले.
नयनतारा जवळपास 20 वर्षांपासून साऊथ फिल्म इंडस्ट्रीमध्ये सक्रिय आहे आणि तिने आपल्या फिल्मी करिअरमध्ये आतापर्यंत अनेक सुपरहिट चित्रपट दिले आहेत. तिच्या चित्रपटांनी बॉक्स ऑफिसवर करोडो रुपयांची कमाई केली आहे, म्हणून तिला लेडी सुपरस्टार म्हटले जाते.
आलिशान जीवन जगणारी नयनतारा तिच्या चित्रपटांसाठी करोडो रुपये फी घेते. एका चित्रपटासाठी ती 5 ते 10 कोटी रुपये मानधन घेते, असे म्हटले जाते. याशिवाय अभिनेत्री ब्रँड एंडोर्समेंटद्वारेही भरपूर कमाई करते. अभिनेत्रीची एकूण संपत्ती 25 दशलक्ष अमेरिकन डॉलर्स आहे. आलिशान घराशिवाय त्याच्याकडे अनेक आलिशान कार आणि स्वतःचे खाजगी जेट देखील आहे.
नयनतारा एक उत्तम अभिनेत्री आहे यात शंका नाही पण ती एक यशस्वी बिझनेसवुमन देखील आहे. तिने 2021 मध्ये 'द लिप बाम' नावाचा स्वतःचा स्किनकेअर ब्रँड देखील लॉन्च केला आहे. चित्रपटात येण्यापूर्वी तिने टीव्ही शो होस्ट केले होते. तिने जीवनशैली आणि फॅशनशी संबंधित टीव्ही शो होस्ट केले आहेत.
नयनताराने विघ्नेश शिवनशी लग्न केले. लग्नानंतर अवघ्या काही महिन्यांत नयनतारा आणि विघ्नेश शिवन सरोगसीद्वारे जुळ्या मुलांचे पालक झाले. मात्र, वर्क फ्रंटबद्दल बोलायचे झाले तर, 'चेन्नई एक्स्प्रेस'मध्ये शाहरुख खानसोबत गाण्याची ऑफर नाकारणारी नयनतारा लवकरच त्याच्यासोबत 'जवान' चित्रपटात दिसणार आहे. (छायाचित्र सौजन्यः इंस्टाग्राम)
