अर्जून कपूर आपल्या ३८ व्या वाढदिवशी करतोय पुण्याचे काम, गरजूंना करणार मदत (Arjun Kapoor Celebrate His Birthday By Auctioning His Favourite Clothes To Help Students)

बॉलिवूड अभिनेता अर्जुन कपूर आज 38 वा वाढदिवस साजरा करत आहे. वाढदिवसाचा हा दिवस खास बनवण्यासाठी अर्जुन कपूर आज त्याच्या आवडत्या पोशाखांचा लिलाव करणार आहे. या लिलावातून अभिनेता जे काही कमावणार आहे, त्यातून तो गरजू विद्यार्थ्यांना मदत करणार आहे.

बॉलिवूड अभिनेता अर्जुन कपूर आज 38 वर्षांचा झाला आहे. अभिनेत्याचा वाढदिवस खास बनवण्यासाठी त्याच्या घरी मिडनाईट पार्टी साजरी करण्यात आली आहे.

या मिडनाईट पार्टीत अर्जुन कपूरची गर्लफ्रेंड मलायका अरोरा, बहीण अंशुला कपूर आणि खुशी कपूरसह इतर सेलिब्रिटीही सहभागी झाले होते.

रिपोर्ट्समधून मिळालेल्या बातमीनुसार अर्जुन कपूर त्याच्या 38 व्या वाढदिवसाला त्याच्या आवडत्या कपड्यांचा लिलाव करणार आहे. या आवडत्या कपड्यांमध्ये एथनिक, स्पोर्ट्स, जिमवेअर, वेस्टर्न आणि पारंपारिक कपड्यांचा समावेश आहे.

अर्जुनच्या मते- हे कपडे मला माझ्या आनंदाची, खास दिवसांची आणि माझ्या सर्वात मोठ्या यशाची आठवण करून देतात. हे कपडे इतरांशी नाते निर्माण करण्याचा आणि सामायिक करण्याचा माझा मार्ग आहे.

आपला मुद्दा पुढे नेत, अभिनेत्याने असेही म्हटले की मला आशा आहे की या लिलावाचा फायदा बरेच लोक घेतील. कारण यातून मिळालेल्या वर्गणीचा उपयोग गरजू विद्यार्थ्यांच्या मदतीसाठी केला जाणार आहे.

अर्जुन कपूरने हा लिलाव ऑनलाइन सेल म्हणून आयोजित केला आहे. या योगदानातून मिळणारी रक्कम ऑस्कर फाउंडेशनला दिली जाईल. मुंबईस्थित स्वयंसेवी संस्था या योगदानाचा उपयोग शाळेत शिकणाऱ्या मुलांसाठी करणार आहे. फाउंडेशनने वंचित समाजातील 14,000 मुलांना सक्षम केले आहे.

अर्जुन कपूर असेही म्हणाला, “सर्क्युलरिटी साजरी करणे, शेअर करण्याची आणि देण्याची संस्कृती – आजचा दिवस घालवण्याचा माझा सर्वोत्तम मार्ग आहे.” अर्जुन कपूर लवकरच ‘मेरी पटनी का’चा रिमेक ‘द लेडी किलर’मध्ये दिसणार आहे.