निशा रावलने खरेदी केले नवं घर, लेकासह केली गृहप्रवेशाची पूजा (Karan Mehra’s Estranged Wife Nisha Rawal Buys New Dream Home, Performs Griha Prevesh Pooja With Son)

स्टार प्लसच्या प्रसिद्ध ‘ये रिश्ता क्या कहलाता है’मध्ये नैतिकची भूमिका साकारणाऱ्या करण मेहराची पत्नी म्हणून टीव्ही अभिनेत्री-मॉडेल निशा रावल ओळखली जाते. 2022 मध्ये निशा चर्चेत आली. तिने तिच्या पतीवर घरगुती हिंसाचाराचा आरोप केला. या बदल्यात तिचा पती करण मेहरानेही तिच्यावर अनेक गंभीर आरोप केले. आता दोघे वेगळे झाले आहेत आणि एकमेकांशिवाय आयुष्य जगत आहेत.

आता आयुष्यातील सर्व चढउतारांमध्ये निशा रावलच्या आयुष्यात आनंद आला आहे. मुंबईत तिने स्वप्नातलं घर बांधलं आहे. निशाने नुकतेच एक घर खरेदी केले आहे आणि सोशल मीडियावर फोटो शेअर केले आहेत.

सूत्रांनी दिलेल्या माहितीनुसार, निशाने मुंबईतील मीरा रोड भागात एक नवीन घर घेतले, तिने नुकतीच गृह प्रवेश पूजा केली आणि आता गृहप्रवेश पूजाचे फोटो शेअर केले आहेत. या फोटोंमध्ये ती तिचा मुलगा काविशसोबत पूर्ण विधीसह गृहप्रवेश पूजा करताना दिसत आहे. तिचा मुलगाही पंडितजींच्या सूचनेनुसार पूजा करण्याचे विधी करत आहे.

गृहप्रवेश पूजेसाठी दोघेही पांढऱ्या कुर्त्यात दिसले. त्यांच्या चेहऱ्यावरचे हसू पाहून असे दिसते की दोघेही त्यांच्या नवीन घरात आल्याने खूप आनंदी आहेत. पूजेनंतर निशा आपल्या मुलासोबत मस्ती करताना दिसली आणि हे सर्व क्षण कॅमेऱ्यात कैद केल्यानंतर तिने ते सोशल मीडियावर शेअर केले, ज्याच्या कॅप्शनमध्ये तिने लिहिले, नवीन सुरुवातीचा सुगंध.

निशा पूर्वी गोरेगाव येथे राहत होती, परंतु ईएमआय भरू न शकल्याने तिला घर रिकामे करावे लागले होते. हे घर सोडण्यापूर्वी तिने एक भावनिक पोस्टही शेअर केली होती, मात्र यामध्ये तिने घर सोडण्याचे कारण सांगितले नाही. हे तेच घर होते ज्यात ती करणसोबत राहत होती, पण नंतर भांडण वाढल्यानंतर करणला घर सोडावे लागले.