इरा खानच्या लग्नाचे सुंदर क्षण सावत्र आई किरण रावने केले शेअर, पाहा अनसीन फोटो (Kiran Rao Shares Gorgeous Photos From Ira Khan And Nupur Shikhare’s Wedding)

आमिर खानची मुलगी इरा खान आणि नुपूर शिखरे यांच्या लग्नाला जवळपास एक आठवडा उलटून गेला आहे, मात्र आता इरा खान आणि नुपूर शिखरे यांच्या लग्नाचे आणि रिसेप्शनचे फोटो सोशल मीडियावर व्हायरल होत आहेत. अलीकडेच चित्रपट निर्माता किरण रावने इरा आणि नुपूरच्या लग्नाचे अनसीन आणि सुंदर फोटो शेअर केले आहेत.

आमिर खानची मुलगी इरा खानने 10 जानेवारी रोजी राजस्थानमधील उदयपूरमध्ये बॉयफ्रेंड नुपूर शिखरेसोबत शाही पद्धतीने लग्न केले. मात्र त्याआधी या जोडप्याने ३ जानेवारीला नोंदणीकृत विवाह केला होता.

लग्नाला आठवडा उलटूनही इरा आणि नुपूरचे लग्न सोशल मीडियावर चर्चेचा विषय ठरत आहे.

अलीकडेच, आमिर खानची माजी पत्नी आणि चित्रपट निर्माती किरण रावने तिच्या इंस्टाग्रामवर या जोडप्याच्या संस्मरणीय लग्नाचे अनसीन पाहिलेले फोटो शेअर केले आहेत.

चित्रपट निर्मात्याने शेअर केलेल्या हृदयस्पर्शी फोटोंमध्ये खान कुटुंबातील त्यांच्या मुलीच्या लग्नातील आनंदाचे क्षण सुंदरपणे टिपले आहेत.

या फोटोंमध्ये, निर्मातीने 4-5 दिवस चाललेल्या सोहळ्यादरम्यान चाहत्यांना त्याची फॅशन आणि स्टाइल जवळून दाखवली आहे.

काही फोटोंमध्ये किरण राव ब्लॅक ऑफ शोल्डर ड्रेस, व्हाइट स्लीव्हलेस कॉकटेल ड्रेस आणि डिझायनर साडीमध्ये खूपच सुंदर दिसत आहे.

फोटोंच्या सिरीजमध्ये एका फोटोत किरण रावचा मुलगा आझाद इरा खान आणि नुपूर शिखरेसोबत खूप आनंदी दिसत आहे.

हे फोटो शेअर करताना किरणने कॅप्शनमध्ये लिहिले आहे- सुपर फन वेडिंगमध्ये आम्ही एकत्र हसलो, गाणी गायली, डान्स केला, एकमेकांना मिठी मारली, एकत्र पोझ दिली आणि खूप मजा केली.