नवरत्न पुलाव (Navratan Pulao)

नवरत्न पुलाव
साहित्य : 9 प्रकारच्या वेगवेगळ्या भाज्या (फ्लॉवर, बटाटा, सिमला मिरची, फरसबी, मटार, टोमॅटो, गाजर, बेबी कॉर्न, ब्रोकोली), अर्धा किलो तांदूळ, 4 उभे कापलेले कांदे, तमालपत्र, दालचिनी, लवंग, वेलची, आलं, लसूण, 1 टीस्पून लाल मिरची पावडर, 1 टीस्पून हळद, 900 मि.ली. व्हेजिटेबल स्टॉक, केशर काड्या, 2 टेबलस्पून तेल, चवीनुसार मीठ.
कृती : सर्व भाज्या धुवून चिरून घ्याव्यात. तांदूळ अर्धा तास पाण्यात भिजत घालावेत. कढईत तेल गरम करून यात उभा कापलेला कांदा सोनेरी रंगावर परतून घ्यावा. यात तमालपत्र, दालचिनी, लवंग, वेलची, आलं, लसूण, लाल मिरची पावडर आणि हळद टाकून चांगलं परतून घ्या. नंतर यात तांदूळ टाका. चांगले परतून यात व्हेजिटेबल स्टॉक टाका. मीठ आणि केशर मिसळा. भात नरम आणि सुटसुटा होईपर्यंत शिजवा. कोथिंबीर टाकून सजवा आणि पुलाव सर्व्ह करा.