महाराष्ट्राची हास्यजत्रा मधून घराघरात लोकप्रिय झालेला अभिनेता म्हणजे गौरव मोरे ! कॉमेडीची अचूक संधी साधत प्रेक्षकांना मनमुराद हसवणारा गौरव आता एक हिंदी शो गाजवताना दिसतोय. घराघरांत लोकप्रिय झालेला हा अभिनेता ” फिल्टरपाड्याचा बच्चन ” म्हणून ओळखला जातो. विनोदाचं अचूक टायमिंग साधत गौरवने महाराष्ट्रातील सगळ्याच प्रेक्षकांच्या मनावर अधिराज्य गाजवलं आणि आता हिंदीत तो मंच गाजवण्यासाठी सज्ज झाला आहे.
गेल्या काही दिवसांपासून गौरवच्या या धमाकेदार कॉमेडीवर हिंदी प्रेक्षकही खळखळून हसत आहेत. तो प्रेक्षकांचं नॉन स्टॉप मनोरंजन करत आहे. सध्या सोशल मीडियावर गौरव आणि बॉलिवुड अभिनेत्री जूही चावला यांचा एक व्हिडिओ तुफान व्हायरल होतोय आणि त्यामागचं कारण देखील तितकच खास आहे.
गौरवने काही दिवसांपूर्वीच ‘मॅडनेस मचाएंगे’ या हिंदी कार्यक्रमात दणक्यात एन्ट्री घेऊन पहिल्याच भागात जबरदस्त परफॉर्मन्स दिला. गौरवची तुफान परफॉर्मन्स जुही चावला हिला इम्प्रेस करून गेला. आता हे नेमक प्रकरण काय आहे हे बघण उत्सुकतेचा विषय ठरल आहे.
जुही चावला आणि बॉलिवुड किंग शाहरुख खान यांच्या आयकॉनिक ‘डर’ चित्रपटातील किंग खानचं पात्र गौरव रिक्रिएट करणार असून ” तू है मेरी किरण ” हे गाणं गात गौरव शाहरुखची हुबेहूब नक्कल करत असल्याचं प्रोमो मधून बघायला मिळतंय. गौरव जुहीला गुडघ्यावर बसून गुलाब देतो गुलाबाच्या पाकळ्यांची तिच्यावर उधळण करतो हे सर्व दृष्य लवकरच बघायला मिळणार असून यावर जुही काय बरं रिअॅक्ट होणार हे बघण्याची उत्सुकता प्रेक्षकांना आहे.
गौरव या सगळ्या बद्दल बोलताना म्हणाला की ” मॅडनेस मचाएंगे ” सुरू होऊन अगदीच काही दिवस झाले आहेत आणि हिंदीत एवढा कमालीचा शो करायला मिळणं ही माझ्यासाठी भाग्याची गोष्ट आहे. मराठीच्या सोबतीने हिंदी प्रेक्षकांनी दिलेलं प्रेम ही माझ्या कामाची पोचपावती आहे आणि अजून उत्तम काम करण्याची एक प्रेरणा देखील आहे. या शो मध्ये अजून धमाल मज्जा मस्ती करायची आहे पण जूही चावला मॅमसोबत मला स्टेज शेयर करायला मिळणं हे एक सुख आहे “
गौरव ” मॅडनेस मचाएंगे ” मध्ये तुफान लोकप्रिय होत असून मराठी प्रमाणे हिंदीत सुद्धा त्याने आपल्या कमाल कामगिरीने प्रेक्षकांना आपलंसं केलं आहे. आगामी काळात ‘अल्याड पल्याड’ या चित्रपटात झळकणार आहे. तसेच महापरिनिर्वाण’ या चित्रपटातही तो मुख्य भूमिका साकारणार आहे.
अब यही आवाज़ दिल कीधड़कनों से आ रही हैज़िंदगी कम हो रही हैउम्र बढ़ती जा रही…
if it’s not just about occasional periods when a couple’s sex life is dull, then…
स्वरा भास्कर (Swara Bhaskar) जब से एक प्यारी सी बेटी राबिया (Swara Bhaskar's daughter Raabiyaa)…
लोकप्रिय टीव्ही होस्ट आणि अभिनेता मनीष पॉलने चमकदार हिरव्या रंगाची मिनी कूपर कार खरेदी केली…
डायरेक्ट टू होम अर्थात् डीटीएच उद्योगाचा पाया घालणाऱ्या डिश टीव्हीने आता मनोरंजन क्षेत्रात नवा पुढाकार…
जीनत अमान (Zeenat Aman) सोशल मीडिया पर काफी एक्टिव (Zeenat Aman on social media) रहती…