सलमान, शाहरुख आणि आमिर तीन खान इफ्तार पार्टीत एकत्र झाले स्पॉट (Salman Khan And Shah Rukh Khan Joins Aamir Khan Iftar Party At His Home Video Viral)

सलमान, शाहरुख आणि आमिर हे बॉलिवूडचे सुपरस्टार आहेत. पण फार कमी वेळा हे तीनही खान एकत्र दिसतात. या तिघांना एकत्र बघण्याचा योग क्वचितच येतो. आता रमजानच्या महिन्यात सलमान, शाहरुख आणि आमिर यांना एकत्र स्पॉट करण्यात आले. सलमान आणि शाहरुख इफ्तार पार्टीसाठी आमिरच्या घरी गेले होते.

१४ मार्च रोजी आमिर खान त्याचा ६०वा वाढदिवस साजरा करणार आहे. बुधवारी याआधी अभिनेत्याच्या घरी कडक सुरक्षा व्यवस्था दिसून आली. सलमान आणि शाहरुख आमिरच्या वाढदिवसापूर्वी त्याच्या घरी पोहोचले. या तिघांच्या भेटीचे व्हिडिओ सोशल मीडियावर व्हायरल होत आहेत. या व्हिडिओंमध्ये शाहरुख पापाराझींना टाळताना दिसत आहे.

आमिर खानच्या घराबाहेरून अनेक झलक समोर आल्या आहेत. सलमान खान आमिरच्या इमारतीतून बाहेर पडताना दिसला. यादरम्यान दोघांनीही एकमेकांना मिठी मारली. तर शाहरुख खान पापाराझींना टाळताना दिसला. कडक सुरक्षेत शाहरुख आमिरच्या घरी पोहोचला. पापाराझींनी रेकॉर्डिंग करू नये म्हणून अभिनेत्याने काळी हुडी घातली होती.

याआधी गेल्या वर्षी अनंत अंबानी आणि राधिका मर्चंटच्या लग्नात तिन्ही खान एकत्र दिसले होते. जामनगरमध्ये अनंत-राधिकाच्या लग्नापूर्वी झालेल्या प्री-वेडिंग सेरेमनीत तिन्ही कलाकार एकत्र दिसले होते. यावेळी तिघांनीही ‘नाटू नाटू’ या गाण्यावर एकत्र नृत्य सादर केले. ‘आरआरआर’ गाण्याच्या हुक स्टेपवर शाहरुख, सलमान आणि आमिर नाचताना दिसले. तिघांचाही व्हिडिओ सोशल मीडियावर व्हायरल झाला.

कामाच्या बाबतीत बोलायचे झाले तर, शाहरुख खान सुजॉय घोषच्या ‘किंग’ चित्रपटात दिसणार आहे. तर सलमान खान, एआर मुरुगदास यांचा ‘सिकंदर’ हा चित्रपट ईदच्या निमित्ताने थिएटरमध्ये प्रदर्शित होणार आहे. आमिर खानचा पुढचा चित्रपट ‘सितारे जमीन पर’ आहे. आमिर खानचा पुढचा चित्रपट ‘सितारे जमीन पर’ आहे. हा चित्रपट २५ डिसेंबर २०२५ रोजी थिएटरमध्ये प्रदर्शित होईल.

आमीर खानला त्याच्या ६०व्या वाढदिवसानिमित्त बॉलिवूड इंडस्ट्रीतील योगदानाबद्दल एका खास चित्रपट महोत्सवात सन्मानित केले जाईल. अलिकडेच एका कार्यक्रमात ‘आमिर खान: मॅजिशियन ऑफ सिनेमा’ चा ट्रेलर लाँच करण्यात आला. यामध्ये अभिनेत्याचे अनेक चित्रपट दाखवले जातील.

पीव्हीआर सिनेमाजने आमिर खानच्या सन्मानार्थ एका विशेष चित्रपट महोत्सवाची घोषणा केली. हा कार्यक्रम १४ मार्च रोजी आमिरच्या वाढदिवशी सुरू होईल आणि २७ मार्चपर्यंत चालेल. अभिनेत्याच्या चाहत्यांना त्याचे काही प्रसिद्ध चित्रपट थिएटरमध्ये पाहण्याची संधी मिळेल.