“काही माणसं गुरासारखी वागतात. निसर्गाला उपद्रव पोहोचवतात. अशा उपद्रवी, नतद्रष्ट्या लोकांना झोडपून काढा. केस वगैरे झाली तर आपण त्यांच्या बाजूने उभे राहू” असा उद्वेग प्रसिध्द अभिनेते सयाजी शिंदे यांनी व्यक्त केला.
साताऱ्यातील अजिंक्यतारावरील मंगळाई परिसरात लावण्यात आलेल्या वृक्षांचे संगोपन पाणी देऊन करण्याचा उपक्रम हरित सातारा ग्रुपने लोकसहभागातून चालवला आहे. या उपक्रमाला अभिनेते सयाजी शिंदे यांनी सदिच्छा भेट देऊन कौतुक केले.
सयाजी शिंदे म्हणाले, “काही माणसं गुरासारखी मनमानी पद्धतीने वागतात. झाडांची वारंवार कत्तल होते, निसर्गाला उपद्रव पोहोचवला जातो. अशा नतद्रस्ट माणसांवर नियंत्रण ठेवणे गरजेचे बनले आहे. तशीच वेळ पडली, तर अशा उपद्रवी, नतद्रष्ट्या लोकांना झोडपून काढा. केस वगैरे झाली तर आपण त्यांच्या बाजूने उभे राहू. लोक निसर्गात येऊन कचरा करतात, बाटल्या फोडतात. काही झालं तरी लोकांना इथ ‘बसून’ देऊ नका,” असा सल्लाही त्यांनी दिला.
“हरित साताराचे स्वयंसेवक तळमळीने वृक्ष संवर्धनासाठी काम करत आहेत. लोकमतसारखं माध्यम त्यांच्या पाठीशी आहे, हे खरोखरच कौतुकास्पद आहे. माळरानं उजाड झाली आहेत. सिमेंटचे जंगल सर्वत्र दिसत आहे. ही उजाड झालेली माळरानं पुन्हा हिरवी करायची असतील, तर मोठ्या प्रमाणात वृक्षारोपण व संगोपन गरजेचे आहे. गावागावांमध्ये हरित सातारासारखे ग्रुप सक्रिय झाले पाहिजेत. आजच्या काळाची ही गरज आहे, असेही त्यांनी सांगितले.
खालच्या मंगळाई परिसरातील टेकडीवर केवळ पाहणी करून व भेट देऊन न थांबता सयाजी शिंदे यांनी श्रमदानामध्ये सक्रिय सहभाग नोंदवला. तसेच हरित साताराच्या टीमला त्यांनी वृक्ष संवर्धनाच्या अनुषंगाने काही उपयुक्त सूचना दिल्या.
या उपक्रमात माझ्या लायक काही काम असेल तर मला आवर्जून सांगा. लागेल ती मदत व पाठबळ मी या उपक्रमाच्या पाठीमागे उभे करेन’ असा शब्दही त्यांनी या निमित्ताने दिला.
यावेळी अभय फडतरे, हरित साताराचे कन्हैयालाल राजपुरोहित, संजय मिरजकर, प्रगती पाटील, मानद वन्यजीव रक्षक सुनील भोईटे, सुधीर सुकाळे, निखिल घोरपडे, भाजप युवा मोर्चाचे प्रदेश उपाध्यक्ष संग्राम बर्गे, तसेच युवा शक्ती फाऊंडेशन व महिला महाविद्यालयाच्या विद्यार्थिनी यांनी श्रमदानातून सहभाग नोंदवला.
बधाई हो (Badhai Ho) एक्ट्रेस नीना गुप्ता (Neena Gupta) को बधाई हो! वो नानी बननेवाली…
गोविन्दा की भांजी और कृष्णा अभिषेक की बहन आरती सिंह जल्द ही दुल्हन बनने जा…
मोठमोठ्या कलाकारांना एकत्र घेऊन चांगल्या दर्जाचा सिनेमा बनवणं हे निर्माता दिग्दर्शकांसाठी मोठं आव्हान असतं. काही…
टीवी की ‘सीता’ देबिना बनर्जी (Debina Bonnerjee) भले ही एक्टिंग से दूर हैं, लेकिन सोशल…
स्टार प्रवाहवरील ‘मन धागा धागा जोडते नवा’ मालिकेत सार्थक-आनंदीचं नातं अतिशय नाजूक वळणावर आहे. काही…
निशा नंदन वर्तक हा अचानक आलेला वळवाचा पाऊस !! अवंतिकेचा उदासपणा कुठच्या कुठे पळून गेला..…