आदित्य नारायण पुन्हा एकदा ट्रोलर्सच्या निशाण्यावर, लाइव्ह कॉन्सर्टमध्ये चाहत्याशी गैरवर्तन (Aditya Narayan once again targets by trolls, misbehaving with a fan at a live concert)

गायक, होस्ट, अभिनेता आदित्य नारायण क्वचितच चर्चेत असतो, पण सध्या तो एका वेगळ्या कारणाने चर्चेत आला आहे. लाइव्ह कॉन्सर्ट दरम्यान चाहत्यांशी गैरवर्तन करतानाचा एक व्हिडिओ  सोशल मीडियावर मोठ्या प्रमाणात व्हायरल होत असून त्यानंतर तो ट्रोलच्या निशाण्यावर आला,लोक त्याच्यावर खूप टीका करत आहेत.

हे प्रकरण भिलाईतील एका कॉलेजमधील लाईव्ह कॉन्सर्टचे आहे. आदित्य नारायण या कॉन्सर्टचे सूत्रसंचालन करत होता, ज्यामध्ये अनेक संगीतप्रेमी देखील उपस्थित होते. आदित्यचा व्हिडिओ या कॉन्सर्टचा आहे. व्हिडिओमध्ये तो शाहरुख खानच्या ‘डॉन’ चित्रपटातील एक गाणे गाताना दिसत आहे,. त्यानंतर अचानक आदित्यचा संयम सुटतो आणि तो एका चाहत्यासोबत गैरवर्तन करू लागतो.

व्हिडिओ पाहून असे दिसते की, आदित्य परफॉर्म करत असताना एक चाहता त्याचा व्हिडिओ रेकॉर्ड करत होता, जो पाहून आदित्यला राग आला. यानंतर त्याने प्रथम या फॅनला माइक मारला, त्यानंतर त्याचा मोबाईल हिसकावून फेकून दिला. गायकाची ही कृती पाहून सर्वांनाच धक्का बसला.

आता आदित्यचा हा व्हिडिओ सोशल मीडियावर व्हायरल होत असून लोक त्याला ट्रोल करत आहेत. सोशल मीडियावर लोक त्याला प्रचंड ट्रोल करत आहेत. ट्रोलिंगला कंटाळलेल्या आदित्यने आता इंस्टाग्रामवरील त्याच्या सर्व पोस्ट लपवल्या आहेत आणि त्याचे खाते खाजगी केले आहे, त्यामुळे चाहत्यांना त्याच्या पोस्ट पाहता येत नाहीत.

आदित्यला त्याच्या गैरवर्तनामुळे ट्रोल होण्याची ही पहिलीच वेळ नाही. याआधीही आदित्य जेव्हा छत्तीसगडला गेला होता तेव्हा तो वादात सापडला होता. रायपूरमध्ये विमानतळावरील कर्मचाऱ्यांशी त्यांचे भांडण झाले. 2017 मध्ये त्याचा एक व्हिडिओ समोर आला होता, ज्यामध्ये तो कर्मचाऱ्यांशी वाद घालताना दिसत होता. त्यावेळीही त्यांच्या या कृतीवर टीका झाली होती.