सासूने टोमने मारताच भावुक झाली अंकिता लोखंडे, आईला भेटताच फुटला अश्रुंचा बांध (Ankita Lokhande Breaks Down Emotionally After Her Mom-In-Law Complains Of Vicky And Her Ugly Fights)

बिग बॉस 17 च्या घरात सध्या संपूर्ण फॅमिली ड्रामा सुरू आहे. विशेषत: अंकिता लोखंडे आणि विकी जैन यांच्या आयुष्यात आधीच खूप चढ-उतार पाहयला मिळत आहे. अशा परिस्थितीत फॅमिली वीकमध्ये जेव्हा दोघांच्या आई बिग बॉसच्या घरात गेल्या तेव्हा अजब नाट्य घडले. शोमध्ये अंकिताची सासू आणि विकी जैनची आई अंकिताच्या खूप विरोधात बोलल्या, ज्यामुळे अंकिता खूप खचली होती, ती शोमध्ये रडतानाही दिसली.

बिग बॉसचा एक नवीन प्रोमो समोर आला आहे, ज्यामध्ये विकीची आई आणि अंकिता यांच्यात वाद झाला, तर दुसरीकडे सासूच्या टोमणेने नाराज झालेली अंकिता रडताना दिसली. प्रोमोमध्ये, अंकिता तिच्या आईशी बोलताना दिसते की विकीचे कुटुंबीय तिच्यावर इतके प्रश्न का विचारत आहेत. बागेच्या परिसरात आईशी गप्पा मारताना अंकिता म्हणते, ‘मी अशी कोणती चूक केली की माझ्याच घरचे लोक माझ्यावर प्रश्न उपस्थित करत आहेत?’

अंकिता तिच्या आईशी बोलताना भावूक होते. डोके आईच्या मांडीवर ठेवून ढसाढसा रडू लागते. अंकिता पुढे तिच्या आईला सांगते की केवळ घरातील सदस्यच नाही तर विकीनेही तिच्याबद्दल खूप काही म्हटले. अंकिता भावूक झाल्याचे पाहून तिची आई तिला मिठी मारते आणि तिला शांत करण्याचा प्रयत्न करते.

विकीची आई शोमध्ये अंकिताला विकीला लाथ मारण्याबद्दल बोलली. अंकिताच्या सासूनेही तिला सांगितले की, विकीला लाथ मारण्याच्या एपिसोडनंतर विकीच्या वडिलांनी तिच्या आईला फोन करून विचारले होते की, तुम्हील तुमच्या पती अशीच मारहाण करायचा का? सासूचे हे शब्द ऐकून अंकिता संतापली आणि तिने सासूला सांगितले की, तुम्ही माझ्या आईला का असं बोललात, माझे वडील नुकतेच वारले आहेत. याशिवाय शोमधून बाहेर आल्यानंतर अंकिताच्या सासूबाईंनी मुलाखतींमध्ये तिच्या विरोधात बरेच काही सांगितले आहे, ज्यामुळे अंकिता चांगलीच दुखावली गेली आहे.

आता बिग बॉसच्या नवीन प्रोमोमध्ये अंकिताला असे रडताना पाहून यूजर्स संतप्त झाले आहेत आणि अंकिताच्या समर्थनात आले आहेत, तिला खंबीर राहण्याचा सल्ला देत आहेत. वापरकर्ते आणि चाहत्यांव्यतिरिक्त, अनेक सेलिब्रिटी देखील अंकिताचे समर्थन करत आहेत अंकिताबद्दल सार्वजनिकपणे अशा गोष्टी बोलल्याबद्दल विकीच्या आईला ट्रोल करत आहेत.