बालिका वधू फेम नेहा मर्दाने धूमधडाक्यात केला मुलीचा बारसा, पाहा सुंदर फोटो(Balika Vadhu fame Neha Marda gives a glimpse of her baby girl’s grand ‘Namkaran’ ceremony, See Pics)

‘बालिका वधू’मधील गहना म्हणजेच नेहा मर्दा नुकतीच आई झाल्यामुळे खूप खुश आहे. लग्नाच्या 11 वर्षानंतर नेहा आई झाली आहे. तिने एका सुंदर मुलीला जन्म दिला आहे. त्यामुळे ती मातृत्वाचा टप्पा एन्जॉय करत आहे.

नेहा मर्दाची मुलगी आता दोन महिन्यांची झाली आहे. अलीकडेच अभिनेत्रीने तिच्या छोट्या राजकुमारीचे नाव देखील इंस्टाग्रामवर एक पोस्ट शेअर करून सांगितले. तिने तिच्या लाडक्या लेकीचे नाव अनया ठेवले आहे. आता अभिनेत्रीने मुलीच्या नामकरण सोहळ्याची झलक दाखवली आहे.

नेहाने तिच्या इंस्टाग्राम हँडलवर मुलीच्या नामकरण समारंभाचा एक व्हिडिओ शेअर केला आहे, ज्यावरून तिने मुलीच्या नावाची घोषणा करण्यासाठी किती भव्य कार्यक्रम आयोजित केला होता याचा अंदाज लावला जाऊ शकतो. व्हिडिओमध्ये नेहा चाहत्यांना सांगते की तिने नुकतेच तिच्या मुलीचे नाव ठेवले आहे. यावेळी तिचा पती आयुष्मान अग्रवालही तिच्यासोबत दिसत असून दोघेही खूप आनंदी दिसत आहे.

नामकरण सोहळ्याच्या निमित्ताने नेहा राजस्थानी बिंदनीच्या वेशात दिसली. तिने गुलाबी आणि पिवळ्या रंगाची घागरा चोली घातली होती. नाकात मोठी नथ, कपाळावर बिंदी, हातात मेंदी – नेहा राजस्थानी नववधूसारखी सजली होती. नेहाचा हा लूक तिच्या चाहत्यांना खूप आवडला. दुसरीकडे, तिचा पती आयुष्माननेही कुर्ता पायजमा घातला होता आणि तोही आपल्या मुलीच्या या सोहळ्यात खूप आनंदी दिसत होता.

यावेळी छोट्या अनायाने गुलाबी रंगाचा फ्रॉक परिधान केला होता, ज्यामध्ये ती छोट्या परीसारखी दिसत होती. नामकरण सोहळ्याचे ठिकाणही भव्य पद्धतीने सजवण्यात आले होते.

यावेळी नेहाचे आई-वडील आणि सासरकडचे उपस्थित होते. यासोबतच काही जवळच्या लोकांनाही आमंत्रित करण्यात आले होते. बाळाच्या नामकरण समारंभानंतर केक कापण्यात आला. नेहा आणि आयुष्मानने कुटुंबासोबत केक कापला.

तिच्या पोस्टच्या कॅप्शनमध्ये नेहाने लिहिले की, ‘मी माझी मुलगी अनुसाठी तयार होत आहे.’ अशा प्रकारे नेहाने सांगितले की, तिने तिच्या मुलीचे नाव अनु ठेवले आहे. नेहाने नामकरण सोहळ्याचा इंस्टाग्रामवर जो व्हिडिओ शेअर केला आहे, त्यामध्ये पार्श्वभूमीत एक अतिशय सुंदर गाणे देखील तयार करण्यात आले आहे, त्यात भाग्यवान लोकांच्या घरी मुलींचा जन्म होतो. ज्या घरात मुलगी असते ते घर स्वर्ग बनते असे बोल आहेत.

लग्नाच्या 11 वर्षानंतर नेहा आई झाली आहे. 2012 मध्ये तिने पाटणा येथील व्यापारी आयुष्मान अग्रवालशी लग्न केले. लग्नाला इतकी वर्षे होऊनही आई होऊ न शकल्याने नेहाला नातेवाईकांकडून खूप टोमणे ऐकावे लागले. नेहाने ‘बालिका वधू’, ‘डोली अरमानो की’, ‘क्यों रिश्तों की कट्टी बट्टी’, ‘पिया अलबेला’, ‘साथ रहेगा ऑलवेज’ सारख्या टीव्ही शोमध्ये काम केले आहे. मात्र लग्न झाल्यानंतर ती अभिनयापासून दुरावली.