FILM Marathi

महेश कोठारे यांनी केली ‘झपाटलेला ३’ची घोषणा (Director Mahesh Kothare Announces Zapatlela-3)

अभिनेते महेश कोठारे यांच्या संकल्पनेतून तयार झालेला ‘झपाटलेला’ हा चित्रपट तुफान हिट ठरला होता. आता या चित्रपटाच्या तिसऱ्या भागाची घोषणा नुकतीच करण्यात आली आहे.

मराठी चित्रपटसृष्टीमधील महेश कोठारे हे नाव अतिशय लोकप्रिय आहे. त्यांनी ९०च्या दशकात मुलांची झोप उडवली होती. त्यांनी मराठी चित्रपटसृष्टीला असे एकाहून एक जबरदस्त, खतरनाक खलनायक दिले की अनेक लहान मुलांची झोप उडाली होती. त्यामधील जर प्रेक्षकांवर कुणाची सर्वात जास्त दहशत असेल तर ती म्हणजे तात्या विचूंची. आता हा तात्या विंचू पुन्हा एकदा प्रेक्षकांच्या भेटीला येणार आहे. हो तुम्ही बरोबर ऐकले आहे.

एसटीच्या पाठीमागे लटकून प्रवास करणारा तात्या विंचू पाहिला की आजही लहान मुलांना धडकी भरते. तो आता आपल्याच घरी येणार की काय अशी भीती त्यांना वाटते. तिच भीती कायम ठेवण्यासाठी पुन्हा एकदा तात्या विंचू प्रेक्षकांच्या भेटीला येणार आहे. महेश कोठारे यांनी ‘झपाटलेला ३’ची घोषणा केली आहे. या घोषणेनंतर प्रेक्षकांमध्ये चित्रपटाबाबत उत्सुकता पाहायला मिळत आहे.

राजश्री मराठी या इन्स्टाग्राम अकाऊंटवर झपाटलेला चित्रपटाविषयी माहिती देण्यात आली आहे. महेश कोठारे आणि तात्या विंचू यांचा फोटो शेअर करण्यात आला आहे. हा फोटो शेअर करत, ‘दिग्दर्शक महेश कोठारे यांनी केली झपाटलेला ३ या चित्रपटाची घोषणा केली आहे. धडकी भरवणारा थरार तिसऱ्या भागातही पाहायला मिळणार’ या आशयाचे कॅप्शन त्यांनी दिले आहे.

सोशल मीडियावर ‘झपाटलेला ३’ या चित्रपटाची घोषणा केल्यानंतर चाहते दिवंगत अभिनेते लक्ष्मीकांत बेर्डे यांच्या आठवणीत भावूक झाले आहेत. एका यूजरने ‘माफ करा, पण मला जुन्या लक्ष्मा मामा असलेलाच चित्रपट पाहायला आवडतो’ अशी कमेंट केली आहे. तिसऱ्या एका यूजरने, ‘आम्हाला लक्षाची आठवण येत आहे’ अशी भावनिक कमेंट केली आहे. तर तिसऱ्या एका यूजरने ‘अभिनय बेर्डेला घ्या’ असा सल्ला महेश कोठारे यांना दिला आहे. चौथ्या एका यूजरने, ‘झपाटलेला चे किती पण पार्ट बनवा पण लक्षा मामा शिवाय मज्जा नाही’ अशी कमेंट केली आहे.

महेश कोठारे यांनी जेव्हा ‘झपाटलेला २’ हा चित्रपट आणला तेव्हा त्यामध्ये अभिनेता आदिनाथ कोठारे मुख्य भूमिकेत होता. पण या चित्रपटाला प्रेक्षकांचा फारसा प्रतिसाद मिळाला नाही. अनेकांनी हिरमोड झाल्याची भावना देखील व्यक्त केली होती. आता ‘झपाटलेला ३’मध्ये कोण दिसणार? कथा काय असणार? हे जाणून घेण्यासाठी सर्वजण उत्सुक झाले आहेत.

Akansha Talekar

Share
Published by
Akansha Talekar

Recent Posts

कहानी- समझावन लाल का अनोखा सबक… (Short Story- Samjhavan Lal Ka Anokha Sabak…)

अब तक तो हम सब की घंटी बज चुकी थी कि आशु भैया के वाक्य…

June 13, 2024

पॅरालिम्पिक सुवर्णपदक विजेते मुरलीकांत पेटकर यांना चंदू चॅम्पियन मधील स्वतःचा प्रवास पाहून अश्रू अनावर (Chandu Champion First Screening With Real Hero Murlikant Petkar Gets Emotional)

कार्तिक आर्यनचा 'चंदू चॅम्पियन' हा चित्रपट सध्या खूप चर्चेत आहे. काल या चित्रपटाचं मुंबईत स्क्रिनिंग…

June 13, 2024

केनियात गेलीय दलजित कौर, पतीशी करणार का समेट की सामान घेऊन येणार भारतात (Dalljiet Kaur Seen Partying With Friends after Reaching Kenya instead of Meeting Nikhil Patel)

गेल्या अनेक दिवसांपासून टीव्ही अभिनेत्री दलजीत कौर तिच्या दुस-या लग्नातील मतभेदामुळे चर्चेत आहे. अभिनेत्रीनेही सोशल…

June 13, 2024

फादर्स डे निमित्त संकर्षण कऱ्हाडेने सांगितल्या वडील व मुलांच्या आठवणी ( Sankarshan Karhade Share His Son And Father Memories)

संकर्षण लवकरच झी मराठीवर परीक्षक म्हणून दिसणार आहे. जिथे तो चिमुकल्या स्पर्धकांना मार्गदर्शन करताना दिसेल.…

June 13, 2024
© Merisaheli