मृत्यूच्या दारातून श्रेयस तळपदे आला बाहेर, अभिनेत्याने सांगितला अंगावर काटा आणणारा तो काळ! ( Shreyas Talpade shared That experience When He Had heart attack)

प्रसिद्ध अभिनेता श्रेयस तळपदेसाठी डिसेंबर महिना अडचणींचा होता. त्याला हृदयविकाराचा झटका आला, त्यानंतर त्याच्यावर अँजिओप्लास्टी करण्यात आली. औषधासोबतच चाहत्यांची प्रार्थनाही कामी आली नाही आणि आता तो बरा झाला आहे. नुकतेच त्याने आयुष्याने आपल्याला दुसरी संधी दिल्याचे कबुल केले.

बॉम्बे टाईम्सशी बोलताना श्रेयस तळपदे म्हणाला की, आयुष्यात यापूर्वी कधीही रुग्णालयात दाखल झालो नव्हतो. ‘जीवन असेल तर जग आहे’ याची जाणीव या काळाने करून दिली. 10 मिनिटे माझ्या हृदयाचे ठोके बंद झाले होते.

अभिनेत्याने सांगितले की तो वैद्यकीयदृष्ट्या मृत्यमुखीच पडलेला. त्यांच्या कुटुंबात हृदयविकाराचा इतिहास असल्याचेही त्यांनी सांगितले. वयाच्या 20 व्या वर्षापासून तो सतत काम करत आहेत आणि आता तो 47 वर्षांचे आहेत. गेल्या काही महिन्यांपासून त्याच्या व्यस्त वेळापत्रकामुळे त्याला खूप थकवा जाणवत होता. त्यामुळे त्याने कोणताही निष्काळजीपणा न करता अनेक चाचण्या केल्या.

 तो ‘वेलकम टू द जंगल’ या आगामी सिनेमावर काम करत होता. आर्मी ट्रेनिंगचा सराव करत असताना त्याला हृदयविकाराचा झटका आला. तो म्हणाला, ‘अचानक मला श्वास घेण्यास त्रास झाला आणि माझा डावा हात दुखू लागला. मी माझ्या व्हॅनिटी व्हॅनमध्ये जाऊन कसेबसे कपडे बदलले.

श्रेयस घरी पोहोचला, तिथे त्याची पत्नी दीप्तीने त्याची अवस्था पाहून त्याला हॉस्पिटलमध्ये नेले, पण वाटेत त्याची कार ट्रॅफिक जॅममध्ये अडकली. यावेळी श्रेयस बेशुद्ध झाला. दीप्तीने कशीतरी मदत घेतली आणि श्रेयसला डॉक्टरांची वैद्यकीय मदत घेता आली. जेव्हा तो शुद्धीवर आला तेव्हा डॉक्टरांनी त्याला सांगितले की अँजिओप्लास्टीच्या वेळी तो हसत होता. पत्नी दीप्तीला त्रास दिल्याबद्दल त्याने माफीही मागितली.

श्रेयसने चाहत्यांना त्यांच्या तब्येतीची काळजी घेण्याची विनंती केली आहे. त्याने सांगितले की तो धूम्रपान करत नाही. क्वचितच अल्कोहोल पितो. चांगले अन्न खातो आणि चांगली जीवनशैली जगतो तरीही त्याच्यासोबत ही घटना घडली.