रकुल प्रीतनंतर आता तापसी पन्नूही चढणार बोहल्यावर, या ठिकाणी पार पडणार मंगलकार्य (Taapsee Pannu is getting married soon With Her Boyfriend Mathias Boe)

अभिनेत्री तापसी पन्नू लवकरच लग्न करणार असल्याची बातमी समोर आहे. तापसी तिचा प्रियकर मॅथियास बो याच्याशी लग्न करणार आहे. मीडिया रिपोर्ट्सनुसार, तापसी मॅथियास बोसोबत 10 वर्षांपासून रिलेशनशिपमध्ये आहे. तापसीने तिच्या लग्नासाठी उदयपूरचे ठिकाण निवडले आहे. त्यांच्या लग्नाला फक्त तापसी आणि मॅथियासचे कुटुंबीयच उपस्थित राहणार आहेत. बॉलिवूड सेलिब्रिटींना त्यांच्या लग्नासाठी अद्याप आमंत्रित करण्यात आलेले नाही. हे लग्न शीख आणि ख्रिश्चन रितीरिवाजानुसार होणार आहे.

यापूर्वी प्रियांका चोप्रा, परिणीती चोप्रा, कतरिना कैफ आणि कियारा अडवाणी या अभिनेत्रींनीही उदयपूरमधून लग्न केले होते.

36 वर्षीय तापसी पन्नू आणि मॅथियास गेल्या 10 वर्षांपासून एकमेकांना डेट करत आहेत. मात्र, या जोडप्याने प्रसिद्धीपासून दूर राहून नेहमीच त्यांचे नाते गोपनीय ठेवले. तापसी अनेकदा मॅथियासोबतचे फोटो आणि व्हिडिओ सोशल मीडियावर पोस्ट करत असते. या जोडप्याने अद्याप कोणतीही अधिकृत घोषणा केलेली नाही. तापसीने अलीकडेच मॅथियासबद्दल मोकळेपणाने सांगितले की ती तिच्या पहिल्या बॉलिवूड चित्रपट चश्मे बद्दूरच्या शूटिंगच्या वेळी त्याला भेटली होती.

मॅथियास बो कोण आहे?

४३ वर्षीय मॅथियास बो डॅनिश बॅडमिंटनपटू आहे. तो दोन वेळा युरोपियन चॅम्पियन आणि ऑलिम्पिक पदक विजेता आहे. मॅथियासने 2020 मध्ये बॅडमिंटनमधून निवृत्ती घेतली.

तापसी पन्नूने हिंदी इंडस्ट्रीसोबतच तेलुगू आणि तमिळ इंडस्ट्रीमध्ये काम केले आहे. अभिनेत्रीने 2010 साली ‘झुम्मंडी नादम’ या तेलुगू चित्रपटातून अभिनय क्षेत्रात पदार्पण केले. तिने आपल्या करिअरची सुरुवात मॉडेलिंगपासून केली होती. 2013 मध्ये ‘चश्मे बद्दूर’ मधून तिने बॉलिवूडमध्ये पदार्पण केले. तापसीच्या बॉलिवूड चित्रपटांबद्दल बोलायचे झाले तर तिने ‘जुडवा 2’, ‘बदला’, ‘नाम शबाना’, ‘पिंक’ आणि ‘शाबाश मिठू’ असे अनेक चित्रपट केले आहेत. या चित्रपटांसाठी तिला भरभरून दादही मिळाली.