बायकोच्या बालपणीचा फोटो विकीने फोनमध्ये ठेवलाय वॉलपेपर, चाहतेही झाले खुश(Vicky Kaushal Has Wife Katrina Kaif’s Childhood Photo As His Phone Wallpaper)

विकी कौशल आणि कतरिना कैफ यांना प्रत्येकजण आदर्श जोडपे मानतो. विकी हा सर्वोत्तम नवरा आहे, याचा आणखी एक पुरावा आज पाहायला मिळाला. विकीची एक व्हिडिओ क्लिप व्हायरल होत आहे ज्यामध्ये त्याच्या फोनचा वॉलपेपर दिसत आहे.

‘जीक्यू इंडिया’ला दिलेल्या मुलाखतीदरम्यान घेतलेली ही व्हिडिओ क्लिप आहे. या क्लिपमध्ये विकी त्याच्या फोनचा वॉलपेपर दाखवताना दिसत आहे ज्यामध्ये कतरिनाचा बालपणीचा फोटो आहे, म्हणजेच अभिनेत्याने कतरिनाच्या बालपणीच्या फोटोला त्याच्या फोनचा वॉल पेपर बनवला आहे.

चाहत्यांना हे खूपच क्यूट वाटले. प्रत्येकजण कमेंट करत आहे की जर नवरा विकीसारखा असेल तर…., कोणी कॅटच्या पिक्चरला सर्वात क्यूट म्हणत आहे. युजर्स असेही म्हणत आहेत की जर पत्नी कतरिनासारखी असेल तर फोटो ठेवणे आवश्यक आहे.

हा फोटो खूप वेगाने व्हायरल होत आहे. विकी आणि कॅट यांचे डिसेंबर २०२१ मध्ये राजस्थानमध्ये लग्न झाले आणि हे जोडपे अनेकदा एकमेकांची स्तुती करतात, यावरून हे स्पष्ट होते की ते दोघेही एकमेकांसाठी बनलेले आहेत.