राझ चित्रपटाच्या वेळी दिग्दर्शकांनी बिपाशासोबत असे काही केले, की ज्यामुळे अभिनेत्रीची उडाली घाबरगुंडी (Director Did Such an Act During Shooting of Film Raaz, Bipasha Basu Screamed Out of Fear)

बॉलिवूडची बिल्लो राणी म्हणजेच बिपाशा बसू बऱ्याच काळापासून फिल्मी पडद्यापासून दूर आहे. आई झाल्यानंतर ती पूर्णपणे तिच्या कुटुंबावर लक्ष केंद्रित करत आहे. बिपाशाने तिच्या चित्रपट कारकिर्दीत अनेक हॉरर चित्रपटांसह अनेक उत्कृष्ट चित्रपटांमध्ये काम केले आहे. 2002 मध्ये रिलीज झालेला ‘राझ’ हा बिपाशाच्या हॉरर चित्रपटांमध्ये नेहमीच प्रेक्षकांच्या पसंतीस उतरला आहे. जेव्हा हा चित्रपट प्रदर्शित झाला, तेव्हा प्रेक्षकांना घाबरवून मनोरंजनासोबत प्रचंड कमाई करण्यात यशस्वी झाला. दुसरीकडे, अभिनेत्रीने एकदा सांगितले होते की या चित्रपटाच्या शूटिंगदरम्यान दिग्दर्शकाने तिच्यासोबत असे कृत्य केले होते की ती घाबरून ओरडलेली.

बिपाशा बसू आणि दिनो मोरिया स्टारर ‘राझ’ चित्रपटातील काही दुष्यांच्या भीतीमुळे लोकांची अवस्था बिकट झाली होती. यासोबतच या चित्रपटाने बॉक्स ऑफिसवरही बंपर कमाई केली. दिग्दर्शक विक्रम भट्ट आणि मोहित सुरी यांच्या या चित्रपटाच्या शूटिंगदरम्यान बिपाशासोबत असे काही घडले, ज्यामुळे ती खूप घाबरली होती. चित्रपटाला 20 वर्षे पूर्ण झाल्याच्या निमित्ताने स्वतः बिपाशाने आपल्या सोशल मीडिया प्लॅटफॉर्म इन्स्टाग्रामवर याचा खुलासा केला आहे.

या हॉरर चित्रपटाचे बहुतांश शूटिंग उटीच्या जंगलात करण्यात आले होते, जेणेकरून लोक चित्रपट पाहतात तेव्हा त्यांना खरोखर भीती वाटू शकते, परंतु त्यावेळी बिपाशाला हे माहित नव्हते की या लोकेशनवर शूटिंग केल्यामुळे तिची स्वतःची भीती वाढून प्रकृती बिघडेल आणि डोळ्यांवरची झोपही उडेल.

मध्यरात्री जंगलात चित्रपटाचे चित्रीकरण सुरू असताना दृश्यानुसार बिपाशा बसूला नाईटी घालून जंगलात जावे लागले. त्यादरम्यान विक्रम भट्टने बिपाशाच्या चेहऱ्यावर खरी भीती दाखवण्यासाठी काहीतरी केले, ज्यामुळे बिपाशा बसू खरोखर घाबरुन मोठ्याने ओरडली.

असे म्हटले जाते की, बिपाशाच्या नकळत विक्रम भट्टने शूटिंगपूर्वीच जंगलात गँग सेट करून घेतला होता आणि बिपाशासोबतच्या जंगलातील सीनचे शूटिंग सुरू असताना त्याने अचानक गँग वाजवली, त्यामुळे बिपाशा बसू घाबरून रडू लागली. जोरजोरात ओरडू लागली, बिपाशाच्या चेहऱ्यावर खरी भीती असलेले हे दृश्यही चित्रपटात दाखवण्यात आले आहे.

बिपाशा बसू लग्नानंतर काही काळ पडद्यावरुन गायब आहे, परंतु ती सोशल मीडियावर खूप सक्रिय असते आणि चाहत्यांना संबंधित अपडेट्स देत असते. सध्या बिपाशा तिचा पती करण सिंग ग्रोवर आणि मुलगी देवीसोबत अभिनयापासून दूर जात आहे.