मुलगा की मुलगी? रणवीर सिंहने दिलेल्या उत्तरामुळे जिंकली चाहत्यांची मनं (Ranveer Singh wants Baby Girl or Baby Boy, Actor Reveals in interesting way…)

बॉलिवूडचे सुपरस्टार जोडपे रणवीर सिंग आणि दीपिका पदुकोण काही महिन्यांतच आई-वडील होणार आहेत. रणवीर सिंग लग्नाच्या सहा वर्षांनंतर बाळाचे स्वागत करण्यासाठी उत्साहित आहे आणि प्रत्येक मीडिया संवादात याबद्दल बोलताना दिसतो अलीकडेच अभिनेत्याने सांगितले की त्याला मुलगा हवा आहे की मुलगी.

अलीकडेच, प्रसारमाध्यमांशी प्रश्नोत्तराच्या सत्रादरम्यान, त्याला मुलगी हवी आहे की मुलगा हवा आहे, असे विचारण्यात आले. यावर त्याने दिलेले उत्तर ऐकून रणवीरचे चाहतेही खूश होतील. रणवीर म्हणाला, “तुम्ही मंदिरात जाता तेव्हा पुजारी तुम्हाला लाडू पाहिजे की शिरा विचारतात का? तुम्हाला जे मिळेल ते तुम्ही प्रसाद म्हणून घेता. त्यामुळे बाळालाही हेच लॉजिक लागू होते.”

एका जुन्या मुलाखतीत रणवीरने सांगितले होते की, त्याला दीपिकासारखी मुलगी हवी आहे. तो म्हणाला होता की, दीपिका इतकी गोंडस मुलगी आहे की देवाने मला तिच्यासारखी मुलगी द्यावी.

अलीकडेच रणवीर सिंग मनीष मल्होत्रा ​​आणि क्रिती सेनॉनसोबत वाराणसीला पोहोचला होता, जिथे त्याने काशी विश्वनाथला भेट दिली आणि नंतर नमो घाटावर रॅम्प वॉक केला. इथेही मीडियाशी बोलताना त्याने बाप होण्याबद्दलच्या भावना व्यक्त केल्या. मुलाच्या जन्मापूर्वी काशीविश्वनाथाचे दर्शन घेतल्यावर तो खूप आनंदी दिसत होता.

रणवीर-दीपिकाने फेब्रुवारीमध्ये चाहत्यांना खुशखबर दिली होती की ते आई-वडील होणार आहेत. दीपिकाने सोशल मीडियावर एक पोस्ट शेअर करून ती सप्टेंबरमध्ये पहिल्या मुलाला जन्म देणार असल्याचे सांगितले होते. लग्नाच्या सहा वर्षांनंतर हे जोडपे पालक बनणार आहेत.