शिल्पा शेट्टीने पती राज कुंद्रासोबत प्राचीन मंदिरात केले गुप्त हवन, फोटो झाले व्हायरल (Shilpa Shetty Visits Agra With Husband Raj Kundra, See Pictures)

शिल्पा शेट्टी पती राज कुंद्रासोबत गुरुवारी आग्रा येथे गेली होती. तिथे ती एका फॅशन इव्हेंटमध्ये सहभागी होण्यासाठी आली होती. त्यादरम्यान तिचे काही फोटो व्हायरल झाले होते ज्यात ती तिच्या पतीसोबत आग्रा कॅंटमधील प्राचीन बगलामुखी मंदिरात प्रार्थना करताना दिसत आहे.

शिल्पाचा मंदिरातला दर्शनाचा हा कार्यक्रम पूर्णपणे गुप्त होता. जेव्हा तिथली छायाचित्रे समोर आली तेव्हा सर्वांनाच याची माहिती मिळाली. शिल्पाने मंदिरात सुमारे अडीच तास घालवले, ज्यामध्ये तिने आणि राज कुंद्राने मंदिरात पंचकुंडिया हवन देखील केले. शिल्पाला अचानक मंदिरात पाहून भाविकांना खूप आश्चर्य आणि आनंद झाला. लोकांनी अभिनेत्रीसोबत फोटो आणि सेल्फीही क्लिक केले.

सायंकाळी 5.30 च्या सुमारास शिल्पा अचानक मंदिरात गेली, महंत नितीन सेठी यांनी तेथे हवन केले, देवीची आरती केली, त्यानंतर शिल्पा आणि राज यांनी संपूर्ण मंदिराला भेट दिली, रात्री 8 च्या सुमारास ते मंदिरातून हॉटेलवर परतले.

पंचकुंडिया हवन अत्यंत महत्वाचे मानले जाते, जे सर्व चिंता आणि अडथळे नष्ट करण्यासाठी केले जाते. शिल्पा आणि राज यांनी अतिशय आनंदी मनाने पूर्ण पूजा आणि हवन केले. त्याचे हे फोटो सध्या सोशल मीडियावर व्हायरल होत आहेत.