वाढत्या टोमॅटोंच्या किंमतीमुळे सुनीश शेट्टीसुद्धा हैराण, म्हणाला सेलिब्रेटी असलो तरी फटका आम्हालाही बसतो ( Suniel Shetty Is Also Bothered By Rising Tomato Prices Like Commom Men )

टोमॅटोच्या वाढत्या किमतीमुळे सर्वसामान्यांच्याच खिशाला फटका बसला नसून, बॉलिवूड स्टार सुनील शेट्टीही टोमॅटोच्या दिवसेंदिवस वाढणाऱ्या किमतीमुळे प्रचंड नाराज आहेत. त्याच्या ताज्या मुलाखतीत, अभिनेत्याने सांगितले की तो देखील एक रेस्टॉरंट मालक आहे आणि वाढत्या किमतीमुळे त्याला टोमॅटोची गुणवत्ता आणि चव यांच्याशी तडजोड करावी लागत आहे.

Aaj Tak शी संवाद साधताना, अभिनेता सुनील शेट्टीने टोमॅटोच्या वाढत्या किमती आणि त्याच्या खंडाळा फार्म हाऊसमध्ये पिकवलेल्या अनेक फळे आणि भाज्यांबद्दल सांगितले.

टोमॅटोच्या किमतीबद्दल बोलताना सुनील शेट्टी म्हणाला- माझी पत्नी माना एक-दोन दिवसांसाठीच फळे आणि भाज्या खरेदी करते. आम्ही ताजे पदार्थ खाण्यावर विश्वास ठेवतो. पण आजकाल टोमॅटोचे भाव गगनाला भिडला आहे आणि सर्वसामान्यांप्रमाणेच आमच्या स्वयंपाकघरावरही याचा परिणाम झाला आहे.

आजकाल आपण टोमॅटो खूप कमी खातो. लोकांना वाटेल की मी सुपरस्टार आहे आणि अशा गोष्टींचा माझ्यावर परिणाम होणार नाही, पण हे खरे नाही. आम्हालाही अशा समस्यांनासामोरे जावे लागते.

अभिनेत्याने असेही सांगितले की लोकांना वाटते की स्टार्सना या घरगुती गोष्टींबद्दल काहीही माहिती नसते, परंतु कधीकधी स्टार्स सामान्य लोकांपेक्षा जास्त जागरूक असतात – मी पण एका रेस्टॉरंटचा मालक आहे. मी नेहमीच सर्वोत्तम किंमतीसाठी सौदेबाजी केली आहे. मात्र टोमॅटोच्या वाढत्या किमतींमुळे मला ग्राहकांची चव आणि पदार्थाच्या दर्जाबाबत तडजोड करावी लागत आहे.