पुढच्या वर्षी हे स्टार किडस्‌ करणार बॉलिवूडमध्ये पदार्पण (These Star Kids Will Make Their Debut In Bollywood Next Year)

अवघ्या काही तासांच्या कालावधीनंतर नवे २०२४ हे साल येणार आहे. दरम्यान या नवीन वर्षात कोणकोणते स्टार किड्‌स पडद्यावर धमाल करण्यासाठी तयार आहेत.  

रवीना टंडनच्या लाडक्या लेकीपासून ते कपूर खानदानाच्या लेकीपर्यंत, २०२४ मध्ये हे स्टार किडस्‌ चित्रसृष्टीमध्ये त्यांचे अभिनय करणार आहेत. त्यामुळे त्यांच्या आई-बाबांचे स्टारडम दाव्याला लागणार आहे.

पाहूया ही सुपरस्टारची मुलं कोण आहेत ती?

खरं म्हटलं तर २०२३ हे वर्ष बॉलीवूड इंडस्ट्रीसाठी अनेक प्रकारे यशस्वी ठरले. केवळ मोठ्या पडद्यावर अनेक उत्कृष्ट चित्रपट प्रदर्शित झाले असे नाही तर अनेक स्टार किड्सनी देखील ओटीटी किंवा मोठ्या पडद्यावर आपली उपस्थिती अनुभवली. यात सुहाना खान, खुशी कपूर, अगस्त्य नंदा, वेदांत रैना, मिहिर आहुजा यांसारख्या अनेक स्टार किड्सचा समावेश आहे, पण इरफान पठाणचा मुलगा बाबिलच्या डेब्यूची सर्वाधिक चर्चा होती. हे वर्ष संपणार आहे आणि अजून अनेक बॉलीवूड स्टार किड्स डेब्यू करण्‍यासाठी बाकी आहेत, तर आज आम्ही तुम्हाला सांगू इच्छितो की २०२४ मध्ये कोणत्या सुपरस्टारची मुलं बॉलिवूडमध्ये प्रवेश करणार आहेत.

इब्राहिम अली

छोटे नवाब पतौडी उर्फ ​​सैफ अली खान यांचा मुलगा इब्राहिम अली येत्या वर्षात म्हणजेच २०२४ मध्ये बॉलिवूडमध्ये प्रवेश करणार आहे. इब्राहिमने यावर्षी रॉकी राणीच्या प्रेमकथेत करण जोहरला असिस्ट केले होते. मिळालेल्या माहितीनुसार, इब्राहिम धर्मा प्रॉडक्शनच्या सरजमीन चित्रपटातून आपल्या अभिनय कारकिर्दीची सुरुवात करणार आहे. तो बॉलिवूड अभिनेता सैफ अली खान आणि अमृता सिंग यांचा मुलगा आहे, जरी अमृता सिंग आणि सैफ अली खान २००४ मध्ये वेगळे झाले.

राशा थडानी

प्रसिद्ध बॉलिवूड स्टार किड आणि रवीना टंडनची मुलगी राशा थडानी देखील तिच्या पदार्पणासाठी सज्ज आहे. असे म्हणताहेत की आहे की रवीना टंडनची मुलगी कोणत्याही बॉलिवूड सुपरस्टारसोबत डेब्यू करणार नसून साऊथ सुपरस्टार रामचरणसोबत एक तेलुगु चित्रपट करणार आहे जो हिंदीतही प्रदर्शित होणार आहे. मात्र, याबाबत अद्याप कोणतीही पुष्टी आलेली नाही. राशा थडानी ही बॉलिवूड अभिनेत्री रवीना टंडन आणि चित्रपट निर्माता अनिल थडानी यांची मुलगी आहे.

शनाया कपूर

महीप कपूर आणि संजय कपूर यांची मुलगी शनाया कपूर जी नेहमीच आपल्या सोशल मीडियावरील उपस्थिती आणि फिटनेसमुळे चर्चेत असते, ती देखील लवकरच मोठ्या पडद्यावर पदार्पण करणार आहे. तिने मॉडेलिंग इंडस्ट्रीत याआधीही पदार्पण केले आहे आणि अनेक जाहिरातींमध्येही ती दिसली आहे, परंतु लवकरच ती बेधडक या चित्रपटातून बॉलिवूडमध्ये पदार्पण करणार आहे.