प्रियांका चोप्रामुळे सेटवरच झालेले अक्षय कुमार आणि ट्विंकल खन्नाचे कडाक्याचे भांडण, हे ठरले कारण (When Twinkle Khanna reached on set to beat Priyanka Chopra)

बॉलिवूड इंडस्ट्रीमध्ये असे अनेक विवाहित कलाकार आहेत, ज्यांच्या विवाहबाह्य संबंधांच्या किस्सेही खूप ऐकले जातात. अशाच स्टार्सपैकी एक म्हणजे अक्षय कुमार, जो लग्नाआधी आणि लग्नानंतरही त्याच्या अफेअर्समुळे चर्चेत होता, एक काळ असा होता जेव्हा त्याचे डेसिगर्ल प्रियांका चोप्रासोबतचे अफेअर खूप चर्चेत होते. मात्र, फार कमी लोकांना माहिती आहे की, खिलाडी कुमारच्या पत्नीला जेव्हा त्यांच्या अफेअरची माहिती मिळाली तेव्हा तिने रागाच्या भरात प्रियांकाला मारहाण करण्यासाठी सेटवर धाव घेतली होती.

खिलाडी अक्षय कुमार हा असाच एक बॉलिवूड स्टार आहे, ज्याचे नाव लग्नाआधी अनेक अभिनेत्रींसोबत जोडले गेले आहे. त्याने डेट केलेल्या सुंदरींमध्ये रवीना टंडन ते शिल्पा शेट्टी यांसारख्या अभिनेत्रींची नावे आहेत. लग्नाच्या अनेक वर्षानंतर अक्षयच्या आयुष्यात एक वेळ अशी आली जेव्हा त्याचे नाव देसीगर्ल प्रियांका चोप्रासोबत जोडले जाऊ लागले.

प्रियांकाने अक्षय कुमारसोबत ‘अंदाज’ या चित्रपटातून पदार्पण केले होते, ज्यामध्ये दोघांमध्ये अनेक हॉट सीन्स शूट करण्यात आले होते. या चित्रपटातील दोघांची ऑनस्क्रीन केमिस्ट्रीही प्रेक्षकांना आवडली आहे. या चित्रपटानंतर दोघांमध्ये काहीतरी भांडण सुरू असल्याच्या बातम्या येऊ लागल्या. मात्र, त्यानंतरही दोघांनी अनेक चित्रपटांमध्ये एकत्र काम केले.

या दोघांच्या रोमँटिक केमिस्ट्रीने एकापाठोपाठ एक अनेक चित्रपटांमध्ये प्रेक्षकांची मने जिंकली, मात्र ‘वक्त’ चित्रपटानंतर अक्षयने अचानक प्रियांका चोप्रासोबत काम न करण्याचा निर्णय घेऊन सर्वांनाच आश्चर्याचा धक्का दिला. यापुढे प्रियंकासोबत काम करणार नसल्याचे त्यांने औपचारिकपणे जाहीर केले होते. खरंतर, असं करण्यामागचं कारण ट्विंकल खन्नाचा राग असल्याचं सांगण्यात येत आहे. अक्षय आणि प्रियांकाच्या अफेअरची बातमी ऐकून ट्विंकलचा राग सातव्या गगनाला भिडल्याचे बोलले जाते.

असंही म्हटलं जातं की, अफेअरची बातमी कळल्यानंतर ट्विंकलने सर्वप्रथम अक्षय कुमारला समजवण्याचा प्रयत्न केला, पण त्यानंतरही जेव्हा त्यांच्या जवळीकतेच्या बातम्या येत राहिल्या तेव्हा ट्विंकल नाराज झाली आणि थेट प्रियंका चोप्राला फोन केला. त्यादरम्यान दोघांमध्ये फोनवर जोरदार वाद झाला आणि तो इतका वाढला की ट्विंकल खन्नाही प्रियांका चोप्राला अद्दल घडवण्यासाठी चित्रपटाच्या सेटवर पोहोचली.

असे म्हटले जाते की सेटवर पोहोचल्यानंतर तिला प्रियांका चोप्रा सापडली नाही, मात्र तिने सेटवरच पती अक्षयला फटकारले. दोघेही सेटवर सर्वांसमोर एकमेकांशी भांडले, पण कसे तरी अक्षयने तिला शांत केले आणि घरी नेले. या भांडणानंतर अक्षयने सर्वांसमोर येऊन प्रियांका चोप्रासोबत कधीही काम करणार नसल्याचे जाहीर केले.