Marathi

ठरलं…..दयाबेन येणारच, खुद्द तारक मेहताच्या दिग्दर्शकानेच केला खुलासा (Taarak Mehta Ka Ooltah Chashmah Dayaben Aka Disha Wakani Will Return After 6 Years In The Show Director Asit Modi Confirms)

टीव्हीवरील सर्वात लोकप्रिय कॉमेडी शो ‘तारक मेहता का उल्टा चष्मा’च्या चाहत्यांसाठी एक आनंदाची बातमी आहे. या आनंदाच्या बातमीला शोचे दिग्दर्शक असित मोदी यांनी दुजोरा दिला आहे. ‘तारक मेहता का उल्टा चष्मा’ या शोमध्ये दयाबेनची भूमिका करणारी दिशा वकानी शोमध्ये परतणार असल्याचा खुलासा खुद्द शोचे दिग्दर्शक असित मोदी यांनी केला आहे.

‘तारक मेहता का उल्टा चष्मा’ या टीव्ही शोमध्ये जेठालाल आणि दया बेन ही प्रेक्षकांची सर्वात लोकप्रिय जोडी आहे. पण सहा वर्षांपूर्वी ही जोडी तुटली, मात्र आता पुन्हा एकदा ही आयकॉनिक जोडी पडद्यावर एकत्र दिसणार आहे. अलीकडेच ‘तारक मेहता का उल्टा चष्मा’ या टीव्ही शोचा 15 वा वर्धापन दिन साजरा करण्यात आला. यावेळी शोचे दिग्दर्शक असित मोदी यांनी दिशा वाकानी आणि तिच्या पात्र दयाबेनबद्दल सांगितले.

‘तारक मेहता का उल्टा चष्मा’ या टीव्ही शोमधील इतर सर्व पात्रांमध्ये दयाबेनचे पात्र सर्वात लोकप्रिय पात्र आहे. आपल्या दमदार अभिनयाने आणि मजेशीर बोलण्याने प्रेक्षकांच्या हृदयात आपला ठसा उमटवणाऱ्या दिशा वाकाणीचे गेल्या काही वर्षांत प्रचंड चाहते बनले आहेत.

अलीकडे, या मालिकेला 15 वर्षे पूर्ण झाल्याच्या निमित्ताने, दिग्दर्शक असित मोदी यांनी त्यांच्या शोच्या प्रेक्षकांसाठी एक आनंदाची बातमी जाहीर केली आहे की ते लवकरच चाहत्यांच्या आवडत्या दयाबेन उर्फ ​​दिशा वाकानीला शोमध्ये परत आणणार असल्याचे सांगितले. असित मोदी म्हणाले- 15 वर्षांच्या या प्रवासात या शोमध्ये काम करणाऱ्या सर्व अभिनेते आणि अभिनेत्रींचे खूप खूप अभिनंदन. या प्रवासात असाच एक कलाकार आहे ज्याला प्रेक्षक किंवा आपण विसरु शकलो नाही. आणि त्या आहेत दया भाभी उर्फ ​​दिशा वाकानी.

दया भाभींनी शोमध्ये इतकी वर्षे चाहत्यांचे मनोरंजन केले, त्यांना हसवले. प्रेक्षक बऱ्याच दिवसांपासून शोमध्ये परत येण्याची वाट पाहत आहेत आणि आता मी तुम्हा सर्वांना वचन देतो की दिशा वाकानी लवकरच तारक मेहता का उल्टा चष्मामध्ये दिसणार आहे.

तारक मेहता…ने अलीकडेच 15 वर्षे यशस्वीपणे पूर्ण केली आहेत. पण या प्रवासात दिशा वाकानी, भव्य गांधी, शैलेश लोढा, नेहा मेहता आणि राज अनाडकट या अनेक कलाकारांनी शोचा निरोप घेतला.

Akanksha Talekar

Share
Published by
Akanksha Talekar

Recent Posts

दिशा परमार लेकीसोबत गेली हळदी कुंकूच्या कार्यक्रमाला (Disha Parmar Haldi Kumkum With Daughter Navya)

टीव्हीची सर्वात लोकप्रिय अभिनेत्री दिशा परमारने तिच्या इन्स्टा स्टोरीमध्ये तिचे लेटेस्ट फोटो शेअर केले आहेत.…

February 7, 2024

एकाच वेळी ६ दिग्दर्शकांच्या ६ ‘लव्ह स्टोरींया’ घेऊन प्रेक्षकांच्या भेटीला येणार करण जोहर! (Valentine’s Special Love Storiyaan)

फेब्रुवारी महिना म्हणजे प्रेमाचा महिना. फेब्रुवारीचा दुसरा आठवडा सुरू झाला की, व्हॅलेंटाइन वीक सुरू होतो.…

February 7, 2024

संतराः बीमारी दूर करने के साथ इम्यूनिटी भी करता है बूस्ट (13 Unknown Health Benefits of Oranges in Daily Life)

विटामिन सी से भरपूर संतरा न केवल कई बीमारियों से बचाता है, बल्कि रोग प्रतिरोधक…

February 7, 2024
© Merisaheli