चाहत्यांची प्रतिक्षा संपली… राम सीता पुन्हा एकदा दिसणार एकत्र, दीपिका चिखलियाने शेअर केली व्हिडिओ (TV’s Ram-Sita Arun Govil Dipika Chikhlia Will Be Seen Together Again After 36 Years,  Fans Get Super Excited)

अरुण गोविल-दीपिका चिखलिया यांचे ‘रामायण’ आजही टेलिव्हिजनवरील सर्वात संस्मरणीय कार्यक्रमांपैकी एक आहे. आजपर्यंत कोणीही ‘रामायण’ विसरले नाही. या मालिकेत श्री राम आणि सीतेची भूमिका साकारणारे अरुण गोविल आणि दीपिका चिखलिया इतक्या वर्षांनंतरही लोकांचे आवडते आहेत. दोघांनीही आपापली भूमिका एवढ्या उत्कटतेने साकारली होती की खऱ्या आयुष्यातही लोक त्यांची राम-सीतेप्रमाणे पूजा करू लागले. आजपर्यंत हे दोघे सार्वजनिक ठिकाणी कुठेही दिसले तरी जनता त्यांच्या पायांना हात लावण्यासाठी तिथे पोहोचते.

‘रामायण’ टेलिकास्ट होऊन 36 वर्षे झाली आहेत, दोघांना एकत्र पाहण्यासाठी चाहते खूप दिवसांपासून वाट पाहत आहेत. आता चाहत्यांची प्रतीक्षा संपली आहे, कारण आता दोघेही एका प्रोजेक्टमध्ये एकत्र दिसणार आहेत. दीपिका चिखलियाने सोशल मीडियावर एक व्हिडिओ शेअर करून चाहत्यांना त्याची झलक दाखवली आहे, जो पाहिल्यानंतर चाहते कमालीचे आनंदित झाले आहेत.

दीपिकाने तिच्या इंस्टाग्राम हँडलवर चित्रपटाशी संबंधित एक BTS व्हिडिओ शेअर केला आहे. या व्हिडिओमध्ये दीपिका आणि अरुण गोविल एकाच फ्रेममध्ये दिसत आहेत, जे पाहून चाहत्यांच्या आनंदाला पारावार उरला नाही. या व्हिडिओच्या कॅप्शनमध्ये दीपिकाने लिहिले आहे- तुमच्या हक्कांसाठी लढा, ज्याच्यावर तुम्ही प्रेम करता त्यासाठी लढा.

दीपिकाने शेअर केलेल्या व्हिडिओमध्ये अरुण गोविल आणि दीपिका चिखलिया उभे आहेत आणि त्यांच्या मागे लोकांचा जमाव दिसत आहे. व्हिडीओमध्ये अरुण गोविल आणि दीपिकाच्या चेहऱ्यावरील हावभाव पाहून ते चिडले आहेत आणि काहीतरी विरोध करत आहेत, असे दिसते.

तीन दशकांनंतर राम आणि सीता यांना पुन्हा एकदा एकत्र पाहण्यासाठी चाहते खूप उत्सुक दिसत आहेत आणि जय श्री रामचा नारा देत आनंद व्यक्त करत आहेत. एका चाहत्याने कमेंट केली की, “आम्ही तुम्हा दोघांना सीता आणि राम मानतो. सीता आणि राम यांची नावे घेतल्यावर तुमच्या दोघांचे चेहरे डोळ्यासमोर येतात.”

दीपिकाने अरुण गोविलसोबत या प्रोजेक्टचा बीटीएस व्हिडिओ शेअर केला आहे, पण आतापर्यंत तिने स्पष्ट केले नव्हते की ती अरुण गोविलसोबत चित्रपटात काम करतेय की शोसाठी एकत्र आले आहे. पण त्यांच्या ताज्या व्हिडिओवरून आता हे दोघेही चित्रपटाचे शूटिंग करत असल्याचे स्पष्ट झाले आहे.