'कौन बनेगा करोडपती' 16व्या सीझनमध्ये आलेल्या इंजिनिअर मुलाने अविवाहित मुलीला ओझ म्हटल्यावर होस्ट अमिताभ बच्चन यांनी त्याची शाळा घेतली.
'कौन बनेगा करोडपती'चा 16वा सीझन घेऊन आलेल्या अमिताभ बच्चन यांनी सेटवर आलेल्या स्पर्धक कृष्णा सेलुकरला चांगलाच धडा शिकवला. स्पर्धक कृष्णा सेलुकरने अविवाहित महिलांना 'ओझे' म्हटले आणि याच मुद्द्यावरून बिग बींनी त्याला सुनावले .
अभियंता कृष्णा सेलुकर केबीसी सीझन 16 च्या अलीकडील भागात आले होते. अभियांत्रिकीची पदवी घेतल्यानंतरही त्याला नोकरी नाही. बेरोजगार कृष्णा सेलुकर यांनी आपल्या परिस्थितीची तुलना एका अविवाहित महिलेशी केली. कृष्ण म्हणाले- जर मी म्हणतो की, अविवाहित मुलगी तिच्या कुटुंबावर ओझे असते, त्याचप्रमाणे एक बेरोजगार मुलगा देखील वयाची एक विशिष्ट स्थिती गाठल्यानंतर ओझे बनतो.
हे ऐकून बिग बींनी लगेचच स्पर्धकाला थांबवले. म्हणाले- तुला एक गोष्ट सांगतो. मुलगी कोणतीही असो, ती कधीच ओझ नसते. स्त्री हा मोठा अभिमान आहे. सुपरस्टारचे हे शब्द ऐकून तिथे बसलेल्या प्रेक्षकांनी टाळ्या वाजवायला सुरुवात केली.
चॅनलने शेअर केलेल्या प्रोमोमध्ये अमिताभ असे म्हणताना दिसत आहेत की, ज्या महिला काम करत नाहीत, त्या गृहिणी असल्याचे सांगण्यास संकोच करतात. तर गृहिणीपेक्षा जास्त कष्ट कोणीच करू शकत नाही. ती संपूर्ण घराची काळजी घेते. ती आपल्या पती आणि मुलांची काळजी घेते, जेवण तयार करते, पती येईपर्यंत थांबते आणि मुले झोपी जातात नंतर ती स्वतः जेवते.
https://www.instagram.com/reel/C_N8EkYNkIz/?igsh=Y3JxbzJsYmtrbGIy
गृहिणींप्रती बिग बींची ही आदराची भावना पाहून तिथे बसलेल्या प्रेक्षकांनी जोरजोरात टाळ्या वाजवायला सुरुवात केली.
