आपल्या बोल्ड स्टाइलने आणि उत्कृष्ट अभिनयाने सगळ्यांना वेड लावणारी अभिनेत्री बिपाशा बसू सध्या मातृत्वाचा टप्पा एन्जॉय करत आहे. बिपाशाने गेल्या वर्षी नोव्हेंबरमध्ये एका मुलीला जन्म दिला. तेव्हापासून ती आपला सगळा वेळ मुलगी देवीसाठी घालवत आहे. तिने शोबिझमधून ब्रेकही घेतला आहे, जेणेकरून ती आई म्हणून तिच्या जबाबदाऱ्या पार पाडू शकेल.
अभिनेत्रीने नुकतेच पुनरागमन केले आहे. आई झाल्यानंतर पहिल्यांदाच बिपाशा काल रॅम्प वॉक करताना दिसली, ज्याचे व्हिडिओ सोशल मीडियावर मोठ्या प्रमाणात शेअर करण्यात आले. व्हिडिओमध्ये बिपाशा लाल रंगाच्या गाऊनमध्ये रॅम्पवर चालताना दिसत आहे. रॅम्प वॉक करताना बिपाशा खूपच सुंदर आणि आत्मविश्वासाने दिसली, पण असे असतानाही ती ट्रोलचे लक्ष्य बनली आणि तिला बॉडी शेमिंगची शिकार व्हावे लागले.
बिपाशा बसूने तिच्या इन्स्टाग्रामवर फॅशन रॅम्प वॉकचा एक व्हिडिओही शेअर केला आहे. व्हिडिओ शेअर करताना त्याने लिहिले की, “आयुष्याच्या प्रत्येक टप्प्यावर स्वतःवर प्रेम करा. तुमचा आत्मविश्वास कायम ठेवा.” तिच्या पोस्टवर कमेंट करताना पती आणि अभिनेता करण सिंग ग्रोव्हरने लिहिले की, "मी तुझ्यावर माझ्या श्वासाच्या अंतापर्यंत प्रेम करतो."
पण या रॅम्प वॉकमध्ये बिपाशाची बॉडी परफेक्ट दिसत नाहीये. देवीला जन्म दिल्यानंतर तिचे वजन वाढले आहे. त्यामुळे युजर्सनी तिच्या वाढत्या वजनावर कमेंट करण्यास सुरुवात केली. तिच्या व्हिडिओवर कमेंट करताना एका यूजरने लिहिले की, ती कॅटवॉक कशी करायचे हे विसरली आहे. काही लोकांनी तिला ‘फॅट’ असेही म्हटले आणि बिपाशाला काय झाले आहे, असे कमेंटमध्ये लिहिले.
बिपाशाला ट्रोल होत असल्याचे पाहून तिचे चाहते तिच्या बचावासाठी आले आणि बिपाशाचे कौतुक करु लागले. बिपाशाचे कौतुक करताना एका चाहत्याने लिहिले की, मम्मी चब्बी असूनही खूप सुंदर चालत आहे. एका चाहत्याने लिहिले, “आपले शरीर खूप सहन करते कारण आपण दुसऱ्या जीवाला जन्म देतो. तू पूर्णपणे सुंदर आणि मोहक दिसत आहेस.
लग्नाच्या सहा वर्षानंतर बिपाशा आणि करण सिंह ग्रोवर यांनी गेल्या वर्षी १२ नोव्हेंबर रोजी एका मुलीचे स्वागत केले, तिचे नाव त्यांनी देवी ठेवले. बिपाशाने काही काळापूर्वी खुलासा केला होता की, देवीला जन्मापासूनच हृदयात छिद्र आहे, ज्यासाठी तिला शस्त्रक्रिया करावी लागली आणि विशेष काळजी घ्यावी लागली. आपल्या मुलीची काळजी घेण्यासाठी बिपाशाने स्वतःला चित्रपटांपासून पूर्णपणे दूर केले आहे.
