प्रसिद्ध बॉलिवूड चित्रपट निर्माता करण जोहरने धर्मा प्रॉडक्शनच्या 'धडक 2' या नव्या चित्रपटाची घोषणा केली आहे. निर्मात्यांनी केवळ कलाकारांचा खुलासा केला नाही तर प्रदर्शनाची तारीखही जाहीर केली आहे. या चित्रपटात सिद्धांत चतुर्वेदी आणि तृप्ती दिमरी मुख्य भूमिकेत असून दिग्दर्शन शाझिया इक्बाल यांचे आहे. चित्रपटाच्या चित्रमय पोस्टरमध्ये चित्रपटाच्या कथेची झलकही स्पष्टपणे दिसते.
करण जोहरने सोमवारी 27 मे रोजी इंस्टाग्रामवर एक व्हिडिओ शेअर केला. त्याने कॅप्शनमध्ये लिहिले की, 'ही कथा थोडी वेगळी आहे, कारण एक राजा आणि एक राणी होती, जात वेगळी होती… कथा संपली.'
चित्रपटाच्या घोषणा व्हिडिओमधील शेवटच्या गाण्याचे बोल आहेत, 'हो यारा दुनिया अलग है मेरी तुम्हारी, कैसे मिलेंगे आग और पानी.' 'धडक' चित्रपटात जातीवादात अडकलेली एक कथा दाखवण्यात आली होती, ज्याचा शेवट पाहून प्रेक्षकांना अश्रू अनावर झाले होते. करण जोहर या वेळीही तीच जुनी गोष्ट नव्या स्टाईलमध्ये दाखवणार आहे का… हे 22 नोव्हेंबरला कळेल.
'धडक २' कधी आणि कुठे रिलीज होणार?
यासोबतच झी स्टुडिओ, धर्मा प्रोडक्शन आणि क्लाउड 9 पिक्चर्सच्या बॅनरखाली बनत असलेल्या या चित्रपटाची रिलीज डेटही जाहीर करण्यात आली. 22 नोव्हेंबर 2024 रोजी थिएटरमध्ये रिलीज होणार आहे.
हा चित्रपट 6 वर्षांपूर्वी प्रदर्शित झाला होता
करण जोहरचा 'धडक' हा चित्रपट 2018 साली प्रदर्शित झाला होता. जान्हवी कपूरने 'हम्प्टी शर्मा की दुल्हनिया' दिग्दर्शक शशांक खेतान दिग्दर्शित या चित्रपटाद्वारे बॉलिवूडमध्ये पदार्पण केले आणि शाहिद कपूरचा भाऊ ईशान खट्टरसोबत तिची जोडी होती. 41 कोटींच्या बजेटमध्ये बनलेल्या या चित्रपटाने जगभरात 110 कोटींहून अधिक कमाई केली होती.
