20 सप्टेंबर 2023 रोजी, दिशा परमार आणि राहुल वैद्य यांनी आपल्या लाडक्या लेकीचे स्वागत केले. हे जोडपे आता पालकत्वाचा आनंद घेत आहे. राहुल मुलीशी संबंधित अनेक गोष्टी पॅप्ससोबत शेअर करत असतो तर दिशाही लाडकी लेक नव्याचे फोटो सोशल मीडियावर शेअर करत असते पण प्रत्येक वेळी मुलीचा चेहरा लपवते, पण आता पहिल्यांदाच अभिनेत्रीने तिचा चेहरा चाहत्यांना दाखवला.
दिशाने नव्याच्या इन्स्टा स्टोरीवर एक बूमरँग शेअर केला आहे ज्यामध्ये बाळाचा चेहरा दिसत आहे. समोरून चेहरा दिसत नसला तरी चेहऱ्याची थोडीशी झलक मात्र नक्की दिसते.
या व्हिडीओ क्लिपमध्ये नव्या पाळणामध्ये आहे आणि तिच्यासमोर एक सजवलेले ख्रिसमस ट्री आहे, ज्याला पाहून ती आनंदी दिसत आहे. या क्लिपमध्ये नवीन तिचे छोटे पाय हलवत आहे.
ही क्लिप समोरून शूट केलेली नसून बाजूने शूट करण्यात आली आहे आणि त्यामुळे संपूर्ण चेहरा दिसत नसला तरी त्यात नव्याचा क्युटनेस नक्कीच दिसतो, जो पाहून चाहत्यांना नक्कीच आनंद होईल.
काही काळापूर्वी, जेव्हा पॅप्सने राहुलला नव्या कोणासारखी दिसते असे विचारले होते, तेव्हा राहुलने सांगितले होते की ती तिची आई दिशासारखी दिसते.
