काही दिवसांपूर्वी, गदर-2 फेम अभिनेत्री अमिषा पटेलने ट्विटवरुन चित्रपट निर्माता अनिल शर्मा यांच्यावर चित्रपटाच्या सेटवर गैरव्यवस्थापन आणि टीम सदस्यांना थकबाकी न दिल्याचा आरोप केला होता. आता अमिषा पटेलच्या या आरोपांवर निर्मात्याने आपली प्रतिक्रिया दिली आहे.
अभिनेत्री अमिषा पटेलने दावा केला आहे की गदर-2 चित्रपटाच्या सेटवर काहीही व्यवस्थित केले गेले नाही. या सर्व गोष्टींसाठी अभिनेत्रीने अनिल शर्मा प्रॉडक्शनला जबाबदार धरले आहे. 'गदर - एक प्रेम कथा' या ऐतिहासिक प्रेमकथेचे दिग्दर्शन आणि निर्मिती करणाऱ्या अनिल शर्माने या चित्रपटात मुख्य भूमिका साकारणारी अभिनेत्री अमिषा पटेलने त्यांच्यावर आणि त्यांच्या प्रॉडक्शन टीमवर लावलेले आरोप फेटाळून लावले आहेत.
काही दिवसांपूर्वी अमिषा पटेलने चंदीगडमध्ये उभारण्यात आलेल्या गदर-२ च्या सेटवर मोठ्या प्रमाणात गैरव्यवस्थापन झाल्याचा दावा केला होता आणि या सर्व गोष्टींसाठी अभिनेत्रीने अनिल शर्मा प्रॉडक्शन हाऊस - अनिल शर्मा प्रोडक्शनला जबाबदार धरले आहे. सेटवरील मेकअप आर्टिस्ट आणि कॉस्च्युम डिझायनर यांना त्यांच्या प्रॉडक्शन हाऊसने त्यांचे वेतन आणि थकबाकी दिली नसल्याचा दावाही अभिनेत्रीने केला आहे.
अभिनेत्रीच्या या ट्विटबद्दल चित्रपट निर्माते अनिल शर्मा यांनी दैनिक भास्करला सांगितले - अभिनेत्री हे सर्व का बोलत आहे याबद्दल मला काहीच माहिती नाही. या सर्व गोष्टींच्या बदल्यात मला असे म्हणायचे आहे की, अभिनेत्रीने केलेले हे सर्व आरोप निराधार आहेत. यापैकी कशातही तथ्य नाही. यासोबतच माझे प्रॉडक्शन हाऊस लोकप्रिय केल्याबद्दल मी अमिषा पटेलचे आभार मानू इच्छितो. यापेक्षा आपल्यासाठी महत्त्वाचे काय असू शकते? आमचे नवीन प्रॉडक्शन हाऊस इतके लोकप्रिय केल्याबद्दल मी त्यांचे मनापासून आभार मानतो.
