गेल्या दोन दिवसांपासून बॉलिवूड अभिनेत्री कंगना रणौत आणि ईज माय ट्रिपचे संस्थापक निशांत पिट्टी यांच्या डेटिंगच्या अफवा सोशल मीडियावर पसरत होत्या. अखेर, कंगनाने तिच्या इन्स्टा स्टोरीमध्ये एक पोस्ट शेअर करून निशांत पिट्टीसोबत डेटिंगच्या अफवा फेटाळून लावल्या आहेत. इतकंच नाही तर अभिनेत्रीने ती दुसऱ्यासोबत रिलेशनशिपमध्ये असल्याचा खुलासाही केला आहे.
राम मंदिर प्राणप्रतिष्ठेच्या दिवशी म्हणजेच 22 जानेवारीला अयोध्येतील कंगना रणौतचे काही फोटो सोशल मीडियावर व्हायरल झाले होते, या फोटोंमध्ये इज माय ट्रिपचे संस्थापक निशांत पिट्टीही तिच्यासोबत दिसत आहेत. राम मंदिराच्या स्थापनेदरम्यान कंगना आणि निशांतने एकत्र फोटो क्लिक केले होते. या छायाचित्रांनी चाहत्यांचे लक्ष वेधून घेतले.
कंगना रनौत आणि निशांत पिट्टीचे हे फोटो व्हायरल झाले होते, ज्यानंतर दोघांच्या डेटिंगचा अंदाज सोशल मीडियाची हेडलाइन बनला होता. नुकतीच कंगनाने यावर तिची प्रतिक्रिया व्यक्त केली आहे. वृत्तपत्रात कंगना रणौत आणि निशांत पिट्टी यांच्या डेटिंगची बातमी प्रसिद्ध झाली होती.
कंगनाने तिच्या इन्स्टा स्टोरीमध्ये न्यूज आर्टिकलचा स्क्रीन शॉट शेअर केला आणि त्यासोबत कॅप्शनही लिहिले- मी मीडियाला विनंती करते की अशा बातम्या मीडियामध्ये पसरवू नयेत. निशांत पिट्टीचे लग्न झाले आहे आणि मी दुसऱ्या कोणाला तरी डेट करत आहे. कृपया आम्हाला लाजवू नका. योग्य वेळेची वाट पहा. तरुणीचे नाव रोज नवीन पुरुषाशी जोडणे योग्य नाही. तेही फक्त दोघांनी एकत्र फोटो क्लिक केल्यामुळे.कृपया असे करू नका.
या बातमीपूर्वी याच महिन्यात पुन्हा एकदा कंगना राणौत मुंबईतील एका सलूनबाहेर एका मिस्ट्री मॅनसोबत दिसली होती. त्यानंतरही त्यांच्या डेटिंगची अफवा सोशल मीडियावर पसरली होती. त्या व्यक्तीच्या हातात हात घालून फिरतानाचे फोटो सोशल मीडियावर व्हायरल झाल्यानंतर अभिनेत्रीने डेटिंगच्या अफवा उघड केल्या.
