"लाडकी"
'लाडकी" या चित्रपटाचा प्रोडूसर त्या दिवशी जो काही गायब झाला तो आज तागायात कधी सापडला नाही,
कोल्हापूरला शूटिंग, चित्रपटामध्ये अशोक मामा श्रीमंत वडील, आणि त्यांच्या लाडकी ची भूमिका श्वेता पगार , या चित्रपटांमध्ये विजू मामा, सुरेखा कुडची आणि बरेचसे कलाकार,
दिग्दर्शक समीर सुर्वे,
सलग पंधरा-सोळा दिवसाचे शूटिंग कोल्हापुरात एका वाड्यामध्ये सुरू होतं, अशोक मामा खूप मन लावून त्यांची भूमिका ते साकारत होते, खूपच त्यांची involvement होती, त्यांच्याबरोबर प्रत्येक सीन करताना खूप मजा यायची, या विनोदी चित्रपटांमध्ये मला ही विनोदी मुख्य भूमिका करायला मिळत होती आणि तेही अशोक मामा सोबत ,मला आणखीन छान वाटत होतं, एका मागे एक तीन रंगत होते, त्यात आणखीन धमाल उडवायला विजू मामा म्हणजेच विजय चव्हाण होतेच, त्यांना सुरेखा कुडची जबरदस्त साथ देत होत्या,
मी एक इंग्रजीचा मास्तर, गावातला श्रीमंत सावकार आपल्या मुलीला कॉलेजला पाठवायला तयार नसतो, तिचं शिक्षण ह्याला घरामध्येच करायचं असतं, म्हणून एक दिवस जबरदस्ती करून गावातल्या इंग्रजी मास्तरांना उचलून आपल्या वाड्यावर घेऊन येतो इथे सावकार त्या मास्तरला सांगतो की आज पासून घरी येऊन माझ्या मुलीला तू शिकवायचं, आणि तो त्या मुलीला शिकवायला सुरुवात करतो, हळूहळू ती मुलगी त्या मास्तरच्या प्रेमात पडते, आणि आपल्या सावकार वडिलांना सांगते की मला या मास्तर शी लग्न करायचं आहे, हा मास्तर घाबरतो, तो म्हणतो मी अजन्म ब्रह्मचारी राहणार अशी मी शपथ घेतली आहे, सावकार चिडतो धमकावतो शेवटी मास्तर लग्नाला तयार होतो, दोघांचं लग्न होतं,, दोन दिवसांमध्ये आगाऊ उद्धट आणि शिष्ट मुलगी मास्तरच्या छोट्या घरामध्ये कंटाळते आणि त्याला सोडून परत आपल्या सावकार वडिलांकडे निघून येते, मास्तर वाड्यासमोर धरण धरतो, म्हणतो माझी बायको मला परत मिळवण्यासाठी मी आमरण उपोषणाला बसणार, सावकार आणि मास्तर मध्ये संघर्ष,
आणि हे धमाल शूटिंग करत असताना अचानक प्रोडूस गायब.
ज्या विजयराज हॉटेलमध्ये आम्ही उतरलो होतो त्या हॉटेल मालकाने आम्हाला सगळ्यांना हॉटेलमध्ये बंद करून ठेवणार असं सांगितलं, प्रोडूसर ने त्याचे सगळे पैसे बुडवले होते, मी माझ्या स्टाफचे मेकअप नित्यानंद, ड्रायव्हर प्रवीण आगलावे आमच्या राहण्याचे आणि खाण्याचे पैसे भरून कोल्हापूर सोडलं , अशोक मामा, त्यांनी पण त्यांचे आणि त्यांच्या स्टाफचे पैसे भरले, आम्ही मालकाला विनंती केली की बायकांना आणि मुलींना घरी जाऊ द्या, त्यांनी जाऊ दिलं पण प्रोडक्शन ची दोन माणसं तीन महिने कोल्हापुराच्या हॉटेलमध्ये बंद होती.
आजही प्रोड्युसर गायब आणि सिनेमा डब्यात
