बॉलिवूडमधील सुंदर आणि सर्वोत्कृष्ट अभिनेत्रींपैकी एक तब्बू वयाच्या ५१ व्या वर्षीही अविवाहित आहे. तिच्या अफेअरचे किस्से इंडस्ट्रीमध्ये नक्कीच ऐकायला मिळत असले तरी आजतागायत तिला संसार थाटता आलेला नाही. तब्बू आणि साऊथचा सुपरस्टार नागार्जुन यांच्या अफेअरच्या कथा खूप प्रसिद्ध झाल्या होत्या. इतकेच नाही तर दोघे 10 वर्षे रिलेशनशिपमध्ये होते, पण नंतर इतक्या वर्षांचे नाते कायमचे संपुष्टात आले. तब्बूचे नागार्जुनसोबत ब्रेकअप झाले असले तरी, तिचे एक्स बॉयफ्रेंडचा मुलगा नागा चैतन्यसोबत चांगले संबंध आहेत.
तब्बूने अजून लग्न केले नसेल, पण एक काळ असा होता जेव्हा ती साऊथचा सुपरस्टार नागार्जुनवर खूप प्रेम करत होती. तब्बूचे हे प्रेम जरी एकतर्फी नसले तरी आग दोन्ही बाजूंनी सारखीच होती, कारण तब्बू नागार्जुनच्या प्रेमाने वेडी झाली होती, तर नागार्जुनही तब्बूवर जीव ओवाळून टाकायचा.
फार कमी लोकांना माहित आहे की तब्बू आणि नागार्जुन जवळजवळ 10 वर्षांपासून गंभीर नात्यात होते, परंतु इतकं प्रेम असूनही त्यांचे नाते लग्नापर्यंत पोहोचू शकले नाही. खरं तर, जेव्हा तब्बू आणि नागार्जुन रिलेशनशिपमध्ये आले तेव्हा अभिनेता आधीच विवाहित होता आणि तब्बूसाठी त्याची पत्नी अमलाला सोडण्यास तयार नव्हता.
नागार्जुनला कोणत्याही परिस्थितीत आपल्या पत्नीला सोडायचे नव्हते, म्हणून दोघांचेही नाते तुटले आणि त्यांचे मार्ग एकमेकांपासून वेगळे झाले. मात्र, ब्रेकअपनंतरही दोघांनी मैत्रीचे नाते जपले, आजही ते एकमेकांच्या संपर्कात आहेत. विशेष म्हणजे नागार्जुनच्या पत्नीलाही हे माहित आहे.
एकदा नागार्जुनची पत्नी अमला अक्किनेनी स्वतः म्हणाली होती की तब्बू मुंबईतील अशा लोकांपैकी एक आहे ज्यांच्याशी ती संपर्कात आहे. याशिवाय, ती अजूनही त्यांच्या हैदराबादच्या घरी येते, असेही तिने सांगितले होते. एवढेच नाही तर तब्बूचे नागार्जुनचा मुलगा आणि दक्षिणेतील अभिनेता नागा चैतन्यसोबतही चांगले संबंध आहेत. याचा खुलासा खुद्द नागा चैतन्यने एका मुलाखतीत केला आहे. तो म्हणाला की तब्बू एक अद्भुत व्यक्ती आहे आणि त्याचे अभिनेत्रीसोबत चांगले संबंध आहेत.
तब्बूच्या कामाबद्दल बोलायचे तर, अभिनेत्री शेवटची 'भोला' चित्रपटात एक मजबूत भूमिका साकारताना दिसली होती, ज्यामध्ये तिच्यासोबत अजय देवगण मुख्य भूमिकेत दिसला होता. याशिवाय ही अभिनेत्री अनेक मोठ्या प्रोजेक्टमध्ये दिसणार आहे.
