'बिग बॉस सीझन 14' मधून कपल बनलेले पवित्रा पुनिया आणि एजाज खान अखेर वेगळे झाले आहेत. या शोमध्ये दोघांमध्ये जोरदार भांडणही पाहायला मिळाली होती. पण शो संपेपर्यंत ते एकमेकांच्या प्रेमात पडले होते. दोघांनीही एकमेकांना प्रपोज केले होते. सोशल मीडियावर अनेक फोटो आणि व्हिडिओही पोस्ट करण्यात आले. ते अगदी एकत्र राहत होते. मात्र दोन वर्षे एकत्र राहिल्यानंतर ते आता वेगळे झाले आहेत. दोघांनीही ब्रेकअपला दुजोरा दिला आहे.
काही काळापासून पवित्रा पुनिया आणि एजाज खान यांच्या नात्याबद्दलच्या बातम्या येत होत्या की, दोघेही वेगळे झाले आहेत. हे जोडपे एकत्र दिसले नाही किंवा त्यांनी काहीही पोस्ट केले नाही. आता अभिनेत्रीने 'ईटाइम्स'ला सांगितले की, ते गेल्या 5 महिन्यांपासून वेगळे झाले आहेत. पण ते एकाच अपार्टमेंटमध्ये राहत होते. मात्र, गेल्या महिन्यापासून एजाजने मालाडमधील हे अपार्टमेंट सोडले असून अभिनेत्री तेथे राहत आहे.
ब्रेकअ बद्दल पवित्रा पुनिया म्हणाली, 'प्रत्येक गोष्टीची सेल्फ लाइफ असते. काहीही शाश्वत नसते. नात्यातही असे घडते. सेल्फ लाइफ असू शकते. एजाज आणि मी काही महिन्यांपूर्वी वेगळे झालो. आणि मला नेहमी त्याच्याबरोबर गोष्टी चांगल्या प्रकारे जायला आवडेल. मी त्याचा खूप आदर करते पण आमचे नाते टिकू शकले नाही.
'ईटाइम्स'ने एजाज खान यांच्याशीही संवाद साधला. यादरम्यान तो म्हणाला, 'मला आशा आहे की पवित्राला खूप प्रेम आणि यश मिळेल, ज्यासाठी ती पात्र आहे. मी तिच्यासाठी नेहमीच प्राथना करेन. अभिनेत्री शेवटची टीव्ही शो 'नागमणी'मध्ये दिसली होती. त्याचवेळी एजाज शाहरुख खान आणि विजय सेतुपतीसोबत 'जवान' चित्रपटात दिसला होता.
फोटो सौजन्य- सोशल मीडिया
