बॉलिवूडचा भाईजान सलमान खान केवळ आपल्या अभिनयानेच आपल्या चाहत्यांची मने जिंकत नाही तर त्याच्याकडे इतरही अनेक गुण आहेत ज्यामुळे त्याचे चाहते आहेत. तो अनेकदा चाहते आणि गरजूंच्या मदतीसाठी पुढे येतो. त्याच्यातील आणखी एक विलक्षण गुण म्हणजे त्याचे आपल्या कुटुंबाशी असलेले नाते, तो एक प्रेमळ कौटुंबिक माणूस आहे जो प्रत्येक प्रसंगी आपल्या कुटुंबासोबत उभा राहतो, मग ते सुख असो वा दुःख. आता सोहेल खानची एक्स पत्नी सीमा सजदेहनेही भाईजानच्या या गुणाचे कौतुक केले आहे.
सीमा सजदेह सध्या 'फॅब्युलस लाइव्ह्स व्हर्सेस बॉलीवूड वाइव्हज'च्या लेटेस्ट सीझनमध्ये दिसत असून ती सतत चर्चेत असते. अलीकडेच, तिने सलमान खान आणि मलायका अरोरा यांच्यातील नातेसंबंध आणि मलायका अरोरासोबतच्या तिच्या कुटुंबाविषयी सांगितले की संपूर्ण खान कुटुंब मलाइकाच्या कठीण काळात ज्या प्रकारे तिच्यासोबत उभे होते ते पाहून मलाही आश्चर्य वाटले.
मलायका अरोराच्या वडिलांनी नुकतीच आत्महत्या केली, तेव्हा अरबाज खान मदतीसाठी त्याच्या सासरच्या घरी धावला होता. त्यानंतर सलीम खानपासून अर्पिता आणि हेलनपर्यंत सर्वजण मलाइकाच्या घरी तिला पाठबळ देण्यासाठी गेले. इतकंच नाही तर सलमान खानने आपल्या बिझी शेड्युलमधून वेळ काढून आपल्या एक्स वहिनी सपोर्ट केला. त्याचा भाऊ अरबाज खानपासून घटस्फोट घेतल्यानंतर सलमान मलायकाला पुन्हा भेटण्याची ही पहिलीच वेळ होती. सलमानच्या या कार्याचे सोशल मीडियावर खूप कौतुक झाले, फक्त त्यालाच नाही तर संपूर्ण खान कुटुंबीयांनी खूप कौतुक केले.
आणि आता याच मुद्द्यावर सीमा सजदेह देखील सलमान खानचे कौतुक करताना दिसली ती म्हणाली, "ते खडकांसारखे आहेत. जेव्हा संकट येते किंवा तुम्हाला कशाचीही गरज भासते तेव्हा ते सर्व मदतीसाठी तत्पर असतात. त्यामुळेच ते एक मजबूत कुटुंब बनतात."
आता चाहतेही सीमाच्या या विधानाशी सहमत आहेत आणि त्यांच्या भावावर प्रेमाचा वर्षाव करत आहेत.
