चीझ फिंगर्स

साहित्य : 1 कप मैदा, अर्धा टीस्पून लाल मिरची पूड, 200 ग्रॅम मोझोरेला चीझ, 1 कप ब्रेडचा चुरा, स्वादानुसार मीठ, स्वादानुसार काळी मिरी पूड, तळण्यासाठी तेल.

कृती : मैद्यामध्ये लाल मिरची पूड, मीठ आणि काळी मिरची पूड मिसळून दाट मिश्रण तयार करा. चीझचे अर्धा इंच रुंदीचे आणि 2 इंच लांबीचे तुकडे करा. हे तुकडे मैद्याच्या मिश्रणात घोळवून ब्रेडच्या चुर्‍यामध्ये घोळवा. पुन्हा मैद्याच्या मिश्रणात घोळवून, ब्रेडच्या चुर्‍यामध्ये घोळवा आणि अर्ध्या तासासाठी फ्रीजमध्ये ठेवून द्या. नंतर तेल गरम करून त्यात हे फिंगर्स सोनेरी रंगावर तळून घ्या. गरमागरम चीझ फिंगर्स हिरवी चटणी आणि टोमॅटो सॉससोबत सर्व्ह करा.