क्रिस्पी फ्रेंच फ्राइज

साहित्य : 1 बटाटा, 3 टीस्पून कॉर्नफ्लोअर, स्वादानुसार मीठ, स्वादानुसार काळी मिरी पूड, स्वादानुसार चाट मसाला, तळण्यासाठी तेल.

कृती : बटाटे तासून स्वच्छ धुऊन घ्या. आता या बटाट्यांचे लांबट पातळ तुकडे करा आणि थंड पाण्यात बुडवून ठेवा, म्हणजे बटाट्यांचा रंग बदलणार नाही. आता एका पॅनमध्ये पाणी आणि मीठ घालून उकळत ठेवा. त्यात बटाट्याचे तुकडे घालून अर्धवट शिजवून घ्या. नंतर बटाट्यातील पाणी पूर्णतः निथळून, ते एका स्वच्छ सुती कापडावर सुकत ठेवा. बटाट्याच्या फोडी कोरड्या झाल्या की, त्यात कॉर्नफ्लोअर मिसळून अर्ध्या तासासाठी फ्रीजरमध्ये ठेवून द्या. अर्ध्या तासानंतर बटाट्याच्या फोडी गरम तेलात मोठ्या आचेवर सौम्य सोनेरी रंगाचे होईपर्यंत तळून घ्या. हे फ्रेंच फ्राइज सर्व्हिंग प्लेटमध्ये ठेवून त्यावर काळी मिरी पूड व चाट मसाला भुरभुरा आणि गरमागरम सर्व्ह करा.