हरियाली चीज पराठा

साहित्य : 2 कप मैदा, अर्धा कप गव्हाचे पीठ, अर्धा कप पालक प्युरी (पालकाची पाने स्वच्छ करून, मीठ घातलेल्या उकळत्या पाण्यात घालून शिजवा आणि नंतर पाण्याशिवाय मिक्सरमधून बारीक करून घ्या), 1 कप किसलेले चीज, 1 टीस्पून बारीक चिरलेली हिरवी मिरची, 1 बटाटा (उकडून साले काढून स्मॅश केलेला), अर्धा कप मटार (शिजवून भरडलेले), थोडे तेल व स्वादानुसार मीठ.

कृती :  तेलाव्यतिरिक्त उर्वरित सर्व साहित्य एकत्र करून कणीक मळून घ्या. या कणकेचे त्रिकोणी आकाराचे पराठे तयार करून, दोन्ही बाजूंनी तेल लावून खमंग भाजून घ्या. हरियाली चीज पराठा दह्यासोबत सर्व्ह करा.