आलू मेथी पराठा
साहित्य: दीड कप गव्हाचे पीठ, 1 वाटी मेथीची पाने बारीक चिरून घ्या, चवीनुसार मीठ, 2 चमचे तेल, बटर,
सारण: 3 उकडलेले बटाटे, 1 टीस्पून गरम मसाला, 1 टीस्पून आमचूर पावडर, अर्धा टीस्पून मोहरीची पूड, चवीनुसार मीठ
कृती: सारणाचे साहित्य मिक्स करावे. गव्हाच्या पिठात मेथीची पाने, मीठ आणि तेल एकत्र करून गव्हाचे पीठ मळून घ्या. मळलेल्या पिठाचे गोळे बनवून त्याची पोळी लाटा. त्यात बटाट्याचे स्टफिंग भरून पराठे लाटावेत. तव्यावर बटर लावून दोन्ही बाजूंनी भाजून घ्या.
शेझवान दही पुरी
साहित्य: 6 पाणीपुरीच्या पुर्‍या, 1 बटाटा, 1-1 टीस्पून शेझवान सॉस, चिली सॉस, चाट मसाला, लाल तिखट, बारीक शेव, चिरलेली लसूण, 1-1 चमचा तेल आणि टोमॅटो सॉस, अर्धा टीस्पून आले, 30 ग्रॅम बुंदी, चवीनुसार मीठ.
कृती: कढईत तेल गरम करून त्यात लसूण व आले परतून घ्या. लसूण सोनेरी झाल्यावर त्यात चिली सॉस, टोमॅटो सॉस, मीठ आणि लाल तिखट घालून 5 मिनिटे परतून घ्या. बटाटे उकडून त्याचे काप करा. लाल तिखट आणि मीठाच्या मिश्रणात मॅरीनेट करा. बुंदी भिजवून पाणी पिळून घ्या, पुरी फोडून त्यात बटाटा-बुंदी घाला, नंतर वरील मिश्रण आणि शेझवान सॉस घाला. वरुन दही, चाट मसाला, शेव आणि हिरवी कोथिंबीर घालून सर्व्ह करा.
