पेरू पंच
साहित्य : 200 मि.ली. पेरूचा रस, 1 टीस्पून कॅप्सिको सॉस (बाजारात उपलब्ध), 1 लिंबाचा रस, पाव टीस्पून मीठ, पाव टीस्पून लाल मिरची पावडर, पाव टीस्पून मिरी पावडर, बर्फाचा चुरा, लिंबाच्या चकत्या वा फोडी
कृती : पेरूच्या रसात कॅप्सिको सॉस व लिंबाचा रस मिसळा. मीठ, मिरची पावडर व मिरी पावडर मिसळा. बर्फाचा चुरा मिसळून लिंबाच्या चकत्या लावून सजवा आणि सर्व्ह करा.
सीताफळ मिल्कशेक
साहित्य : 1 कप सीताफळाचा गर, 2 कप दूध, 1 कप व्हॅनिला आइस्क्रीम, पाव कप पिठी साखर, अर्धा टीस्पून वेलची पावडर, बर्फाचे तुकडे, सजविण्यासाठी चेरी.
कृती : सीताफळाचा गर आणि दूध एकत्र करून ब्लेण्ड करून घ्या. यात व्हॅनिला आइस्क्रीम, पिठी साखर, बर्फाचे तुकडे, वेलची पावडर टाकून पुन्हा ब्लेण्ड करून घ्या. चेरी लावून सजवा आणि सर्व्ह करा.
Link Copied
